Siyasi partiyaların reyestr dilemması… - Akif Qurbanov Çətin sualda

Bakı/18.07.23/Turan: “Siyasi Partiyalar haqqında” yeni qanunun tələblərinə görə partiyalar Reyestrdən keçməlidirlər. Bunun üçün partiyalar 5 min üzvünün  ad, soyad, ata adı, doğulduğu tarix, qeydiyyat ünvanı, qeydiyyatda olduğu partiyanın yerli təşkilatı və əlaqə telefon nömrəsini Ədliyyə Nazirliyinə təqdim etməlidir. Artıq bu prosesə başlanılıb və partiyaların bir çoxu bu məlumatları Ədliyyə Nazirliyinə təqdim ediblər. Hətta cavab alanlar da var.

Belə ki, Ədliyyə Nazirliyi REAL Partiyasının üzvlərinin reyestrə daxil edilməsi ilə bağlı müraciətinə cavab verib. Nazirliyin cavabında partiyanın təqdim etdiyi 5168 nəfərdən  463 nəfərinin keçərli olduğu bildirilib.

Bu arada  siyasi partiyalar haqqında qanunvericiliyin pozulmasına görə İnzibati Xətalar Məcəlləsinə dəyişiklik layihəsini Milli Məclis qəbul edib. Dəyişikliyə əsasən, siyasi partiyalar tərəfindən qəbul edilən qanunsuz ianələr, partiyanın qeydiyyatsız fəaliyyəti, əcnəbilərin siyasi partiyaya üzv qəbul edilməsi, partiya üzvlərinin reyestrindəki dəyişiklikləri barədə məlumat verilməməsinə görə cərimələr müəyyənləşir, Azərbaycandan kənarda hesab açan partiyaların cərimələnməsi, xarici ölkələrin partiyalarıyla bağladığı saziş barədə məlumat verməyən partiyaların 2 min manatadək cərimələnməsi nəzərdə tutulur, partiyaların dövlət orqanlarının fəaliyyətinə müdaxiləsinə görə cərimələr artırılır.

Bütün bunlar barədə Demokratik Təşəbbüslər İnstitutunun rəhbəri Akif Qurbanov Kamran Mahmudovun təqdimatında yayımlanan “Çətin sual” verilişində danışır.