Taliban Əfqanıstanı dünyaya nə gətirəcək? – Anar Məmmədli “Çətin sual" qarşısında

Bakı/19.08.21/Turan: Əfqanıstandakı siyasi böhran dünyada və regionda ekspertlərin diqqət mərkəzində qalmaqdadır. Ekspertlərin fikrincə, hazırda davam edən siyasi böhran bir çox qonşu ölkələr, o cümlədən Avropa üçün miqrant problemləri yaşadacaq. Bəzi ekspertlər radikalizmin, anti-qərb ritorikasının artacağını düşünür.

Avqustun 15-də Əfqanıstan Prezidenti Əşrəf Qani vitse-prezident və digər yüksək vəzifəli rəsmilərlə birlikdə "qan tökülməsinin qarşısını almaq üçün" ölkəni tərk etdiyini təsdiqləyən bəyanat verir.

ABŞ Prezidenti Co Bayden ABŞ qüvvələrini Əfqanıstandan çıxarmaq qərarının "tam arxasında" dayandığını deyir. "Amerika qoşunları Əfqanıstan ordusunun özləri üçün mübarizə aparmaq istəmədikləri bir müharibədə döyüşə bilməz və ölməməlidir"- deyə, o bildirib.

Talibanın ələ keçirdiyi Əfqanıstan dünyaya nə gətirəcək? Hansı dövlətlər Taliban Əfqanıstanı ilə əməkdaşlığa razılaşacaq?

Dəfələrlə Əfqanıstanda keçirilmiş seçkilərdə müşahidə missiyasının tərkibində olmuş Anar Məmmədli  Kamran Mahmudovun təqdimatında yayımlanan “Çətin sual” verilişində  bu və digər suallara cavab verərir.--0--