“Tərtər işi”ndən danışanları susdurmağa çalışırlar? – Sahib Kərimli və Fikrət Cəfərli “Çətin sual” qarşısında

Bakı/28.06.22/Turan: "Tərtər işi"nin ictimai tədqiqatı ilə məşğul olan hüquqşünas və fəal İlham Aslanoğlu (Təhməzov) iyunun 9-da Yevlax rayon Məhkəməsinin hökmü ilə 6 ay azadlıqdan məhrum edilib. Bu, hüquqşünasın il ərzində ikinci həbsidir. Bu ilin yanvarın 28-də Yevlax rayon Məhkəməsi İlham Aslanoğlunu 147.2-ci (Ağır və ya xüsusilə ağır cinayətdə ittiham etməklə böhtan atma) maddəsi ilə təqsirli bilərək beş ay müddətinə azadlıqdan məhrumetmə cəzasına məhkum etmişdi.

Bu gün Xəzər rayon məhkəməsi Bakı Birlik Təşkilatının sədri, KİM TV-nin aparıcısı Abid Qafarova qarşı iddiaya baxıb. İddia özünü qazi adlandıran bir qrup şəxs tərəfindən irəli sürülüb.

İ. Aslanoğlu  və A. Qafarov “Tərtər işi” üzrə hərbçilərə və mülkü şəxslərə qarşı işgəncə faktlarını fəal şəkildə ictimailəşdirməklə tanınıblar.

“Tərtər işi”ndən danışanları həbs etməkdə, məhkəmələrə çəkməkdə məqsəd nədir?

“Tərtər işi”ni daim gündəmdə saxlayan siyasətçi  Sahib Kərimli və "İşgəncələr Əleyhinə Araşdırmalar Mərkəzi"nin rəhbəri Fikrət Cəfərli  Kamran Mahmudovun təqdimatında yayımlanan “Çətin sual” verilişində bu və digər suallara cavab verir.

Youtube səhifəsinin ünvanı:

https://www.youtube.com/c/TuranAgentliyi

Facebook səhifəsinin ünvanı:

https://www.fb.com/turanagency