Xankəndiyə gedən yollar kimin üçün açıla bilər? – Rauf Mirqədirov Çətin sual qarşısında

Bakı/27.12.22/Turan: Rusiya sülhməramlılarının Laçın dəhlizinin dekabrın 26-na qədər açılacağı barədə Ermənistan tərəfə verdiyi vədlər özünü doğrultmayıb.

Bu səbəbdən bu gün bir qrup Qarabağ ermənisi sülhməramlıların komandanı general Volkovdan izahat tələb etmək niyyətindədir.

Hələ cümə günü bir qrup qarabağlı Xankəndi tərəfindən sülhməramlıların postuna doğru yürüş edib və dəhlizin açılmasını tələb edib, deyə Ermənistan KİV-ləri yazır.

Bazar ertəsi axşam böyük bir qrup erməni də jurnalistlərin müşaiyəti ilə maşınlarla Ermənistan tərəfindən Laçın dəhlizinə doğru gedib və onlar da Qarabağa yollarının açılmasını tələb ediblər. Sülhməramlıların komandanının müavini ilə danışıqlar nəticə verməyib. Ermənistanın teleqram kanallarının iddiasına görə, adı açıqlanmayan zabit etiraf edib ki, onlar Moskvadan yolu açmaq barədə əmr almayıblar. Əmr gələn kimi yol açılacaq, deyə o bildirib.

Siyasi şərhçi Rauf Mirqədirov son vaxtlar Laçın dəhlizində baş verənlər, eyni zamanda Qarabağ məsələsi ətrafında cərəyan edən proseslər barədə Kamran Mahmudovun təqdimatında yayımlanan “Çətin sual” verilişində danışır.