Yagmur hakimiyyəti fəal qadınları təqib etməkdə ittiham edir

Bakı/17.05.21/Turan: "Amnesty İnternational” beynəlxalq təşkilatının mayın 12-də keçirdiyi brifinqdə bildirilib ki, Azərbaycan hakimiyyəti qadın hüquq müdafiəçiləri və fəallara qarşı gender əsaslı şiddət kampaniyasına dərhal son qoymalı, vəziyyəti araşdırmalı və istər fərdi, istər vəzifəli, istərsə də təhlükəsizlik qüvvələrinin əməkdaşları olan şəxsləri ədalət mühakiməsinə cəlb etməlidir.

Brifinqdə deyildiyinə görə, onlar sosial şəbəkələrdəki hesabları sındırılmaqla və şəxsi yazışmalarının, şəxsi məlumatlarının və cinsi xarakterli materialların dərc edilməsi ilə şantaj edilir və son iki ildə ən az 15 belə hadisə olub və bu halların sayı artır.

Brifinqdə vurğulanıb ki, istənilən halda, bu çirkin kampaniyadan mənfəət götürən repressiv Azərbaycan hökuməti olur”,- deyə “Amnesty İnternational”ın Cənubi Qafqaz üzrə tədqiqatçısı Natalya Nozadze bildirib.

“Əgər “Amnesty İnternational” kimi təşkilat da Azərbaycanda ictimai-siyasi proseslərdə fəal iştirakçı qadınların basqılara məruz qaldığını deyirsə, bunu necə inkar etmək olar?”. Bunu icə ictimai fəal və yazar Zümrüd Yağmur Azərbaycanda qadın fəallara qarşı basqıların olmasını “Turan”ın Çətin Sual” proramına şərhində söyləyib.

Yağmur deyir ki, Azərbaycanda ictimai-siyasi proseslərdə iştirakçı olan qadınlara münasibət özü birmənalı deyil.

O,vurğulayıb ki. son vaxtlar bu sitiqamətə daha bir çətin məqam əlavə edilib ki, bu da bu kateqoariya qadınlara qarşı şantaja əl atılması, şəxsi həyatlarına müdaxilə edilməsi. sosial şəbəkələrədki şəxsi hüsablarına müdaxilə olunmasıdır.

Bu sırada Yaşmur bəzi xanım fəalların belə hallarla üzləşdiyini söyləyib. Onun deməsinə görə, hakimiyyət nə qədər də bu hadisələrdə əli olmadığını desə də bu inandırıcı görünmür.

Yazar hesab edir ki. belə total izləmə, güdmə , ifşaetmə kampaniyaları ancaq hakimiyətin işinə yarayır və bu məsələdə milli-mənəvi dəyərlər də belə əməllərə alət edilir. Onun fikrincə. bütünlükdə hakimiyyət azad qadın obrazından “xortdan” düzəldir: “Hakimiyyət bu məsələdə cəmiyyətə aydınlaşdırma gətirilməsini, güclü cəmiyyət qurulmasını istəmir.Çünki, güclü cəmiyyəti idarə etmək asan deyil. Ona görə də prosesin qarşısını almağı üstün tutur” deyə yazar bildirir.        

O, hesab edir ki, cəmiyyət azad qadın obrazından qorxmamalıdır. çünki azad insan kimdirsə, azad qadın da elə o dur.-05B-