Brent Crude Oil Production Platform
Bakı/08.02.21/Turan: “Brent” markalı xam neftin fyuçerslərinin dəyəri London ICE birjasında 8 yanvar bazar ertəsi günü keçirilən hərracda son bir ildən çox müddət ərzində ilk dəfə barel üçün 60 dolları keçərək 60,05 dollara yüksəlib.
DW-nin məlumatına görə, “Brent” markalı neftin bir barelinin qiyməti sonuncu dəfə 29 yanvar 2020-ci ildə 60 dolları keçib.
Mart ayında tədarük ediləcək WTI xam neftinin fyuçersləri 1,19% artaraq 57,53 dollara yüksəlib. Beləliklə, son bir həftə ərzində “Brent” markalı neft 7,8%, WTI - 8,9% bahalaşıb.
Neft bazarındakı oyunçular nikbindir.
Analitiklər qeyd edirlər ki, ABŞ-da koronavirusa qarşı kütləvi peyvənd və Amerika iqtisadiyyatı bərpa olunması nəticəsində xammala tələbatın artacağına ümid bazar iştirakçılarına nikbinlik verir. Neft OPEC +un hasilatı qorunması siyasətinə sadiqliyini elan etməsi fonunda da bahalaşır. OPEC-in neft bazarının 2021-ci il üzrə təklifin kəsirli olacağı proqnozları da bu bazara pozitiv əlavə edib.
Yeni koronavirus epidemiyalarına baxmayaraq, Çindən olan güclü tələb neft qiymətlərindəki artımın vacib amili olaraq qalır. 250 milyon barel nefti olan 127 tanker Çin limanlarına göndərilir. DW qeyd edir ki, bu, altı ayda maksimumdur. -0—
Enerji
-
Qazaxıstanın “Kazmunaigas” (KMG) dövlət şirkəti “Kaşaqan” yatağından hasil edilən neftin ilk partiyasını Bakı-Tbilisi-Ceyhan (BTC) neft kəməri ilə ixrac üçün Bakıya göndərib. Bu barədə şirkətin mətbuat xidməti məlumat yayıb.
-
Türkiyə və bir sıra Avropa ölkələri yenidən Şahdəniz Alfa platformasından qaz almağa başlayıb. Xəzər dənizində yerləşən Şahdəniz yatağının operatoru 6-18 yanvar tarixlərindəki fors-major vəziyyətinə səbəb olan problemləri həll etdikdən sonra bu hasilat platformasında işləri bərpa edib.
-
17 yanvar tarixində iranlı həmkarı Məsud Pezeşkiyan ilə apardığı danışıqlardan sonra keçirilən mətbuat konfransında Rusiya Prezidenti Vladimir Putin iki ölkə arasında qaz kəmərinin tikintisi layihəsinin işə salındığını təsdiqlədi. Onun sözlərinə görə, ilkin tədarük həcmi 2 milyard kubmetrə çata bilər, lakin sonrakı mərhələdə bu həcmin illik 55 milyard kubmetrə qədər artırılması planlaşdırılır.
-
2024-cü ilin yanvar-noyabr aylarında Azərbaycanın elektrik enerjisi istehsalı 23,55 milyard kVt/s təşkil edib ki, bu da ötən ilin eyni dövrü ilə müqayisədə 2,2% azdır. İstilik elektrik stansiyaları 20,26 milyard kVt/s elektrik enerjisi istehsal edib ki, bu da ötən ilin eyni dövrü ilə müqayisədə 2,13 milyard kVt/s (9,5%) azdır, deyə Azərbaycanın Dövlət Statistika Komitəsi məlumat yayıb. Eyni zamanda, məişət tullantılarından 182,8 milyon kVt/s elektrik enerjisi istehsal olunub (5,8% artım).
Rəy yaz