Bakı/17.03.21/Turan: “Şimali Qafqaz - Zaqafqaziya qaz kəmərində aparılan təmir işləri nəzərə alınaraq, Rusiya tərəfi Rusiya qazının Gürcüstan ərazisinə tranziti üçün Azərbaycana müraciət edib. Xahiş yerinə yetirilib və Rusiya qazı martın 17-dən başlayaraq müvafiq tranzit ödənişi ilə Azərbaycan ərazisindən Gürcüstan ərazisinə müvəqqəti olaraq çatdırılacaq ”, - Rusiya qazının Azərbaycan ərazisindən Ermənistana müvəqqəti nəqlinə dair məlumatları şərh edən SOCAR-ın ictimaiyyətlə əlaqələr departamentinin rəis müavini İbrahim Əhmədov bildirib.
O, qazın Gürcüstan istiqamətində getdiyini vurğulayaraq tranzit ödənişinin məbləğ və tədarük həcmi barədə fikir bildirməkdən çəkinib.
Qeyd edək ki, martın 16-da “Qazprom eksport” Rusiya qazının Azərbaycan ərazisindən nəqli üçün SOCAR-la qısa müddətli (təxminən 3 həftəlik) müqavilə imzalayıb.
"Şimali Qafqaz - Zaqafqaziya qaz kəmərində planlaşdırılmış-ehtiyat təmir işləri zamanı Rusiya qazı Azərbaycan ərazisi vasitəsilə istehlakçılara tədarük ediləcək", deyə Rusiya tədarükçüsü bildirib.
2020-ci ildə “Qazprom” Ermənistana 2,209 milyard kubmetr qaz tədarük edib, 2021-ci ilin yanvarında tədarüklər 9% artaraq 310 milyon kubmetrə çatıb.—0—
Enerji
-
Türkiyə və bir sıra Avropa ölkələri yenidən Şahdəniz Alfa platformasından qaz almağa başlayıb. Xəzər dənizində yerləşən Şahdəniz yatağının operatoru 6-18 yanvar tarixlərindəki fors-major vəziyyətinə səbəb olan problemləri həll etdikdən sonra bu hasilat platformasında işləri bərpa edib.
-
17 yanvar tarixində iranlı həmkarı Məsud Pezeşkiyan ilə apardığı danışıqlardan sonra keçirilən mətbuat konfransında Rusiya Prezidenti Vladimir Putin iki ölkə arasında qaz kəmərinin tikintisi layihəsinin işə salındığını təsdiqlədi. Onun sözlərinə görə, ilkin tədarük həcmi 2 milyard kubmetrə çata bilər, lakin sonrakı mərhələdə bu həcmin illik 55 milyard kubmetrə qədər artırılması planlaşdırılır.
-
2024-cü ilin yanvar-noyabr aylarında Azərbaycanın elektrik enerjisi istehsalı 23,55 milyard kVt/s təşkil edib ki, bu da ötən ilin eyni dövrü ilə müqayisədə 2,2% azdır. İstilik elektrik stansiyaları 20,26 milyard kVt/s elektrik enerjisi istehsal edib ki, bu da ötən ilin eyni dövrü ilə müqayisədə 2,13 milyard kVt/s (9,5%) azdır, deyə Azərbaycanın Dövlət Statistika Komitəsi məlumat yayıb. Eyni zamanda, məişət tullantılarından 182,8 milyon kVt/s elektrik enerjisi istehsal olunub (5,8% artım).
-
Keçən il Dubayda keçirilmiş qlobal iqlim sammitində razılaşdırılan əsas bərpa olunan enerji hədəflərinə nail olmaq, dünya növbəti altı il ərzində $30 trilyondan çox sərmayə yatırmasa, əlçatmaz bir xəyala çevriləcək.
Rəy yaz