«AGBank»a yeni səhmdarlar gəlib (YENİLƏNİB)

Xarici investorlar bankı tərk etməyib, deyə AGBank informasiya ilə bağlı bildirir.

http://www.contact.az/docs/2016/Economics&Finance/042800154322ru.htm#.VybpF00fDIV
Reallıqda isə Mərkəzi Bankın tələbilə AGBank nizamnamə kapitalını artırıb. Artım əsasən əsas səhmdar Çingiz Əsədullayevin iştirakı hesabına olub. Nəticədə qalan səhmdarların payı avtomatik olaraq azalıb.

Bununla bağlı “AGBank”ın press-relizində bildirilir ki, bankın  nizamnamə kapitalının 77,2 milyon manat artırılaraq 102,2 milyon manata çatdırılmasından sonra bankın səhmdarlarının pay bölgüsü dəyişib. Bu barədə fins.az-a bankdan bildirilib.

Məlumata görə, “AGBank”ın əsas səhmdarı - bankın Müşahidə Şurasının sədri Çingiz Əsədullayev kredit təşkilatındakı payını 23,27%-dən 31,68%-ə çatdırıb. Beynəlxalq Maliyyə Korporasiyanın bankdakı payı 17,5%-dən 4,28%-ə, “Kazimir Partners” şirkətinin payı 10%-dən 2,45%-ə, Fərzulla Yusufovun payı 17,76%-dən 5,79%-ə qədər azalıb.  

“AGBank”da yeni səhmdar da var – Bu, Marçenko Qriqoriydir. O, bankın səhmlərinin 8,3%-nə sahib olub.

Digər 80 səhmdar isə “AGBank”da 47,5% paya malikdir. Daha bir dəyişiklik isə bankın səhmdarlarının sayının 64-dən 85-ə çatmasıdır. –0—

2016 May 01 (Bazar) 18:06:23

Xarici tərəfdaşları AGBankda iştiraka son qoyurlar. Belə ki, Beynəlxalq Maliyyə Korporasiyasının səhm payı 17,5-dən 4,28%-ə, «Kazimir Partners»in payı 10%-dən 2,45%-ə düşüb.

Bankın məlumatına görə, Fərzulla Yusifovun payı isə 17,767%-dən 5,79%-ə düşüb. İndi bankda 10%-dən çox payı olan bir tərəfdaş var  - Müşahidə Şurasının sədri Çingiz Əsədullayev. O, payını 23,27%-dən 31,68%-ə artırıb.

Yeni tərəfdaş Qazaxıstan Milli Bankının sabiq sədri Qriqori Marçenko AGBank Müşahidə Şurasının üzvüdür və 8,3% səhm sahibidir.

Minoritarların sayı 63-dən 84-ə çatıb. Onların nizamnamə kapitalında payı isə 68,32%-dir. 

«AGBank»ın nizamnamə kapitalı 77,2 mln manatdır. Müşahidə Şurasına Çingiz Əsədullayev, Fərzulla Yusifov, Qriqori Marçenko, Azər Mövsümov, Beynəlxalq Maliyyə Korporasiyasının nümayəndəsi daxildir.

İH sədri vəzifəsini Əfqan Cəlilov icra edir. Səhmdarların iclasında nizamnamə kapitalını 77,2 mln-dan 102,2 mln manata artırmaq qərara alınıb. Bu günlərdə Vergilər Nazirliyi emissiyanı təsdiq edəcək. --17D—