Azərbaycan Mərkəzi Bankı avqustun 29-da onuncu depozit hərracını keçirəcək.
Turan xəbər verir ki, AMB 28 gün müddətinə 50 mln. manat cəlb etməyi planlaşdırır. Cəlb edilən vəsaitlər üzrə faiz dəhlizi 4,01%-9,49% civarında müəyyən edilib.
Qeyd edək ki, əvvəlki 9 depozit hərracında AMB planlaşdırılan həcmi əldə etməyib.
Bundan öncə iqtisadçı Əkrəm Həsənov Turan-a müsahibəsində deyib ki, bunun səbəbi kommersiya banklarının AMB və milli valyutaya etimadının olmamasıdır.
Beynəlxalq təcrübəyə görə, depozit hərraclarında əsas məqsəd pul kütləsinin sterilizasiyasıdır. Depozit hərracları zamanı AMB kommersiya banklarının depozitlərini yerləşdirməyə qəbul edir. 74D
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz