![Azərbaycan Cənub Qaz Dəhlizi üçün maliyyə öhdəliklərinin 46%-ni icra edib](https://turan.az/resized/./turan-750-500-resize.webp)
Azərbaycan Cənub Qaz Dəhlizi üçün maliyyə öhdəliklərinin 46%-ni icra edib
Azərbaycan Cənub Qaz Dəhlizi layihəsinə investisya qoyuluşuna tam sadiqdir və maliyyə öhdəliklərini vaxtında yerinə yetirməyə davam edir”. “Report” “Natural Gas Europe” saytına istinadən xəbər verir ki, bu barədə “Cənub Qaz Dəhlizi” QSC-nin baş direktoru Əfqan İsayev bildirib.
"Cənub Qaz Dəhlizi" QSC 25 fevral 2014-cü ildə Azərbaycan Prezidentinin sərəncamı ilə "Şahdəniz" qaz-kondensat yatağının istismarının ikinci mərhələsi, Cənubi Qafqaz Boru Kəmərinin genişləndirilməsi, Trans-Anadolu Boru Kəməri (TANAP) və Trans-Adriatik Boru Kəməri (TAP) layihələrinin idarə edilməsini təmin etmək məqsədilə yaradılıb.
"QSC-yə 5,212 mlrd. dollar həcmində vəsait qoyulub. Layihədə Azərbaycanın payının maliyyələşdirilməsi 11,454 mlrd dollar həcmində qiymətləndirilir: Beləliklə, Azərbaycan artıq maliyyə öhdəliklərinin 45,5%-ni yerinə yetirib”.
O, əlavə edib ki, ayrılan vəsaitin 2,5 mlrd. dolları ARDNF, 1,7 mlrd dolları Maliyyə Nazirliyi və SOCAR, 1 mlrd dolları isə mart ayında yerləşdirilən avrobondlar vasitəsilə həyata keçirilib.
QSC rəhbərinin sözlərinə görə, layihə üçün $6,2 mlrd vəsaitə ehtiyac var. “Azərbaycan Cənub Qaz Dəhlizi layihəsi üçün Dünya Bankından kredit cəlb edilməsi üçün danışıqlar aparır: “Bizim layihə cəlbedicidir və maliyə qurumları Azərbaycanın enerji layihələri ilə maraqlanır. İnanırıq ki, kredit şərtləri yüngül və ödəmə müddəti ən azı 10 il olmalıdır, çünki bu layihələrdən təkcə Azərbaycan deyil, böyük region iqtisadi mənfəət əldə edəcək".
Ə.İsayev əlavə edib ki, bu il Azərbaycanın Cənub Qaz Dəhlizi layihəsinə 2,809 mlrd dollar vəsait ayıracağı planlaşdırılır. QSC-nin baş direktorunun sözlərinə görə, bu həcmin 55,7%-i yaxud 1,566 mlrd dolları TANAP-a xərclənəcək, “Şahdəniz Mərhələ 2” üçün vəsaitin 30,2%-i və ya 847 mln. dolları ayrılacaq. Bu il TAP layihəsinə 278 mln dollar, Cənubi Qafqaz Boru Kəmərinin genişləndirilməsinə isə 118 mln dolların ayrılması nəzərdə tutulur.
Natural Gas Europe-nın məlumatına görə, Cənub Qaz Dəhlizi layihəsinin qiyməti $39.1 mlrd-dır. Bu vəsaitin 9,3 mlrd dolları TANAP, 6 mlrd dolları TAP, 23,8 mlrd dolları isə “Şahdəniz-2” və Cənubi Qafqaz Boru Kəmərinin genişləndirilməsi layihələrinin payına düşür. –0--
-
- İqtisadiyyat
- 26 Avqust 2016 11:16
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz