Bağlanan 10 bankın əmanətçiləri 706 mln 765 min manat alıb, deyə Əmanətlərin Sığortalanması Fondu bildirir.
Turan-ın məlumatına görə, «Parabank» ASC-nin əmanətçilərinə 42 mln 852 min, “Zaminbank” ASC-nin əmanətçilərinə 52 milyon 267 min manat, “Kredobank” əmanətçilərinə 27 milyon 005 min manat və “Dekabank” əmanətçilərinə 3 milyon 021 min manat kompensasiya ödənilib.
“Atrabank” əmanətçilərinə 14 milyon 217 min manat, “Qafqaz İnkişaf Bankı”nın əmanətçilərinə 1 milyon 926 min manat, “Bank of Azerbaijan” ASC-nin əmanətçilərinə 24 milyon 147 min, “Gəncəbank” əmanətçilərinə 975 min manat, “Texnikabank” əmanətçilərinə isə 120 milyon 081 min, “Bank Standard” KB-nin əmanətçilərinə 420 milyon 272 min manat kompensasiya verilib. 71D
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz