Bu gün Bakıda Hyatt Regency otelində 14-cü Azərbaycan-Almaniya biznes forumu açılıb. Bu dəfə Almaniyanın Reynland-Pfalz əyalətinin böyük nümayəndə heyəti gəlib.
Nümayəndə heyətinə İqtisadiyyat, Ətraf Mühit, Energetika və Kartoqrafiya Nazirliyinin xarici əlaqələr şöbəsinin rəhbəri Yuliya Qolomb başçılıq edir.
Almaniya-Azərbaycan İqtisadi Birliyinin (DAWF) ofisindən Turan-a bildirilib ki, forumda hər iki tərəfdən rəsmi şəxslərlə yanaşı, kənd təsərrüfatı, sənaye, tikinti, mebel istehsalı, logistika və digər sektorlarda fəaliyyət göstərən iş adamları iştirak edir.
Azərbaycan İqtisadiyyat Nazirliyindən Turan-a bildirilib ki, avqustun 30-da Almaniya nümayəndə heyəti Gəncə şəhərinə səfər edəcək. Orada yerli işgüzar dairələrin iştirakı ilə analoji tədbir keçiriləcək.
Almaniya $520 mln. ilə 2012-cu ilin birinci yarısında Azərbaycanın ixrac coğrafiyasında 7-ci yeri tutur. Həmin dövrdə Almaniyadan Azərbaycana $344,6 mln. dəyərində mal göndərilib. Almaniya 7,7%-lik xüsusi çəki ilə Azərbaycan idxalında 4-cü yeri tutur.- 08B
İqtisadiyyat
-
Şimali Makedoniya Prezidenti Gordana Silyanovska-Davkova Bakıya səfəri çərçivəsində Azərbaycan Dövlət Neft Şirkəti SOCAR və Şimali Makedoniyanın ECM şirkəti cümə axşamı əməkdaşlıq haqqında memorandum imzaladılar, Turan-a məlumatlı mənbə bildirdi.
-
Bugünlərdə Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində "Pambıqdan geyimə dəyər zəncirinin karbonsuzlaşdırılması və iqlimə uyğunlaşdırılması" mövzusunda müzakirələr keçirilib. Orada digər məsələlərlə yanaşı, Azərbaycanda pambıqçılığın vəziyyəti də müzakirə olunub.
-
Azərbaycan, inkişaf edən və inkişaf etmiş ölkələrdən, habelə azı 10 ölkənin dövlət və özəl sektor nümayəndələrindən, ümumi büdcəsi 1 milyard ABŞ dolları olan İqlim Maliyyə Fəaliyyət Fondu (CFAF) üzrə səhmdar kimi iştirakla bağlı əhəmiyyətli maraq cəlb edib. CFAF Azərbaycanın COP29-da təqdim etdiyi 14 əsas təşəbbüsdən biridir, bunu Azərbaycan Respublikasının COP29 üzrə baş danışıqlar aparıcısı və xarici işlər nazirinin müavini Yalçın Rəfiyev çərşənbə axşamı mətbuat konfransında bildirib.
-
Azərbaycan hökuməti OPEC Fonduna bir sıra bərpa olunan enerji layihələrinin, o cümlədən dəniz külək enerjisinin inkişafı, "yaşıl enerji dəhlizi" təşəbbüsləri və SOCAR-ın Birləşmiş Ərəb Əmirliklərindən Masdar şirkəti ilə birgə həyata keçirməyi planlaşdırdığı 1 QVt gücündə layihənin maliyyələşdirilməsində iştirak etməyi təklif edib.
Rəy yaz