![İran-Azərbaycan: Xəzərdə çirkli müharibə](https://turan.az/resized/media/2012/main/082700008819-750-500-resize.webp)
İran-Azərbaycan: Xəzərdə çirkli müharibə
İran Xəzərin ekologiyasını pozduğuna görə Azərbaycanın cərimələnməsini istəyir, deyə İİR Ətraf Mühitin Qorunması Təşkilatının (ƏMQT) dəniz departamentinin rəis müavini Əbdül Rza Karbasi bildirib. Bu barədə İranın "Payvand" nəşri məlumat verir.
Karbasi qeyd edib ki, Azərbaycan tərəfi Xəzərin təmizlənməsi üzrə iş görmür, neft hasil edən zaman köhnə avadanlıqlardan istifadə edir. Onun sözlərinə görə, Tehran dənizin təmizlənməsi üzrə xərcləri müəyyən edəndən sonra məbləği cərimə kimi ödəmək üçün XİN bu məlumatı Azərbaycan hakimiyyətinə göndərəcək.
"Payvand" yazır ki, ƏMQT təmsilçisinin bəyanatı qurumun hesabatına asaslanır. Orada Gilan vilayətinin sahil rayonlarında tədqiqatların nəticəsi əksini tapıb. Sənəddə peykdən çəkilişlər yer alır. Orada 110 km uzunluğunda neft ləkələri görünür. O, Azərbaycan tərəfdən İİR sahilinə uzanır.
Son illər ekspertlər Xəzərin ekologiyası problemini dəfələrlə qaldırıblar. Bu ilin əvvəlində Xəzərin Ekologiyası İnstitutunun rəhbəri Rza Purqulam (Reza Pourgholam) bəyan edib ki, dənizin sənaye və neft çirklənməsi kritik həddə çatıb.
Onun məlumatına görə, neft yataqlarının işlənməsi və tankerlərin hərəkəti ildə dənizə 122 min ton təhlükəli maddə atılması ilə nəticələnir. Purqulam bildirib ki, İran dənizin çirklənməsi üçün məsuliyyət daşımır, oraya yalnız kənd təsərrüfatı tullantıları (gübrələr və pestisid) atır.
İran ekspertinə görə, dənizi daha çox Rusiya, Qazaxıstan və Azərbaycan çirkləndirir – şelfdə neft hasilatının çoxu bu ölkələrin payına düşür, deyə lenta.ru bildirir.
Azərbaycanın Ekologiya Nazirliyi isə İranı Xəzəri çirkləndirməkdə ittiham edib. Qurumun rəsmi məlumatına görə, hər il İİR Xəzərə 291,25 ton pestisid (zəhərli maddə), 39,1 min ton nitrat və 20,93 min ton fosforlu birləşmə, Azərbaycan isə müvafiq olaraq 1,75 ton, 25,9 min ton və 1,4 min ton tullantı atır. --12А—
-
- Siyasət
- 27 Avqust 2012 14:09
-
- İqtisadiyyat
- 27 Avqust 2012 14:36
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz