Kompleks qazma və quyu xidmətlərinin idarə edilməsi şirkəti olan SOCAR AQŞ-nin, tarixində ilk dəfə olaraq quruda qazma xidmətlərini icra etmək üçün beynəlxalq istehsalçıya məxsus müasir qazma qurğusunu Azərbaycana gətirdiyini məmnunluqla bildiririk.
Bu, SOCAR AQŞ-nin həm ölkə daxilində, həm də xaricdə müştərilərinin mürəkkəb layihələrini və əməliyyatlarını həyata keçirmək üçün ən son texnologiyaların və yeni idarəetmə üsullarının tətbiqi üzrə çoxillik təcrübəsinə əsaslanır.
Quruda qazma əməliyyatlarının həyata keçirilməsi Azərbaycanın enerji sənayesi və iqtisadiyyatı üçün mühüm əhəmiyyətə malikdir. Belə ki, bu qurğu vasitəsilə yeni qazma layihələri ilə yanaşı, uzun müddət istismarda olan yataqlarda qalıq neft-qaz ehtiyyatının əlavə quyuların qazılması hesabına çıxarılması mümkündür. Həmçinin hələ də öyrənilməyə ehtiyac olan sahələrdə kəşfiyyat və axtarış quyularının qazılması da geoloji baxımdan daha əlverişli olacaqdır.
SOCAR AQŞ-nin Baş direktoru Samir Mollayev deyib: “Qazma sənayesində bu cür yeni texnika və texnologiyaların tətbiqi böyük inhiraflı quyuların qazılmasına, kern nümunələrinin götürülməsi və analizinə, geoloji-geofiziki tətqiqatların aparılmasına və yatağın işlənmə modelinə müsbət təsir göstərəcəkdir. Bu da öz növbəsində neft hasilatının artırılmasına təkan verəcəkdir.”
15 illik təcrübəyə sahib olan və bu günə qədər 140-dan çox quyunun qazılmasını həyata keçirən SOCAR AQŞ, ölkənin qazma sənayesində innovativ yanaşmalar tətbiq etməyə, eləcə də təhlükəsiz və etibarlı həllər təqdim etməklə uğurlu fəaliyyətinə davam edəcəkdir.
Redaktorlar üçün qeyd
SOCAR AQŞ 2007-ci ildə Azərbaycan Respublikası Dövlət Neft Şirkəti (SOCAR), Nobel Energy və Abşeron Qazma MMC (AQŞ) tərəfindən təsis edilmiş kompleks qazma və quyu xidmətlərinin idarə edilməsi şirkətidir.
SOCAR AQŞ 2009-cu ildən Beynəlxalq Qazma Podratçıları Assosiasiyasının (IADC) üzvüdür və bütün tətbiq olunan beynəlxalq standartlara tam uyğun fəaliyyət göstərir. ®
İqtisadiyyat
-
Dünya Bankı bazar ertəsi Bakıda 2024-cü il üzrə Dünya İnkişafı Hesabatı (WDR) təqdim edib və əsas nəticələr, eləcə də regional təsirlər müzakirə olunub. Hesabatın müəllifləri və bankın Avropa və Mərkəzi Asiya üzrə baş iqtisadçısı çıxış edərək, dayanıqlı inkişafa nail olmaq istəyən ortagəlirli iqtisadiyyatların üzləşdiyi çətinliklər və strategiyalar barədə danışıblar.
-
Azərbaycanda inflyasiya təzyiqləri 2025-ci ilin əvvəlində də davam edib, ərzaq qiymətləri yanvarda 0,3% artıb, bu barədə “Turan” xəbər agentliyinin araşdırmasında bildirilib. İnflyasiya hələ də Azərbaycan Mərkəzi Bankının (AMB) hədəf diapazonunda qalsa da, il ərzində müxtəlif institutların proqnozları fərqlənir və bu, daxili siyasət tənzimləmələri ilə yanaşı, xarici iqtisadi qeyri-müəyyənliyi də əks etdirir.
-
Azərbaycan Dövlət Neft Şirkətinin (SOCAR) EBITDA (faizlər, vergilər və amortizasiya çıxılmadan əvvəlki mənfəət) göstəricisi son illərdə azalma tendensiyası göstərir. Bu dinamika beynəlxalq reytinq agentliklərinin hesabatlarında və şirkətin öz maliyyə hesabatlarında əks olunub. SOCAR-ın 2024-cü il üçün maliyyə hesabatının 2025-ci ilin yayında açıqlanması gözlənilir, lakin Fitch Ratings-in ilkin məlumatları bu göstəricinin daha da azalacağını göstərir.
-
Avropada təbii qazın qiymətləri cümə günü 2023-cü ilin oktyabr ayından bəri ən yüksək səviyyəyə yüksələrək, bölgədə gözlənilən soyuq hava dalğası fonunda artan tələbat gözləntilərini əks etdirib.
Rəy yaz