Bakı/03.10.17/Turan: Əsas investoru Ərəb körfəzindən olan "Xəzər Beynəlxalq İnvestisiya Şirkəti" (XBİŞ) 2016-cı ili mənfəətlə başa vurub. Amma mənfəət mənbəyi təsərrüfat fəaliyyəti yox, valyuta məzənnəsi fərqidir. Bunun hesabına səhmdarlara dividend də verilib.
Balans hesabatına görə, 2016-cı ildə "Azərbaycan İnvestisiya Şirkəti" ASC-nin 24% pay sahibi olduğu şirkət bir neçə şirkətin kapitalında investisiya fəaliyyətindən 834 min manat qazanıb. Bunun 145,6 min manaatı mənfəətə yazılıb. Amma yüksək inzibati xərclər üzündən XBİŞ-in əməliyyat fəaliyyətinin nəticəsi 940 min manat mənfi olub.
Amma XBİŞ 2016-cı ili də əvvəlki il kimi mənfəətlə başa vura bilib. Mənfəətin bir hissəsi (493 min manat) bank hesablarındakı faizlərdən gəlir, 3 mln manatdan çoxu valyutaların məzənnə fərqidir. Qeyd edək ki, 2015-ci ildə XBİŞ səhmdarları devalvasiyadan 9,5 mln manat qazanıb.
Hesabata əsasən http://ciic.az/#!/mediainformation/annual-reports, XBİŞ-in xalis mənfəəti 2015-ci və 2016-cı illərdə 5,5 mln və 2 mln manat olub. 2015-ci ildə səhmdarlar 3,9 mln manatdan çox vəsaiti aralarında bölüb. Bu ilin fevralında səhmdarlara 4 mln manat dividend verilib.
XBİŞ 2008-ci ildə tis edilib. 2016-cı ildə "Saham Holding" şirkəti payını (14,48%) "Aref İnvestment Company" şirkətinə satıb.
XBİŞ Azərbaycanda 7 şirkətin ( "Amara" MMC - 100%, "A-Agro" MMC - 68%, "Salat" MMC - 68%, "Agro Trading" MMC - 100%, "A-Plastic" MMC - 53,1% və "T-Tomatoes" MMC - 33%) kapitalında iştirak edir. --08B--
İqtisadiyyat
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
-
Bakı Kiçik və Orta Biznes (KOB) Evi və Miniboss Biznes Məktəbi uşaqlarda sahibkarlıq bacarıqlarının inkişafına yönəlmiş anlaşma memorandumu imzalayıblar. Bu barədə Kiçik və Orta Biznesin İnkişafı Agentliyi (KOBİA) bazar ertəsi məlumat yayıb.
-
2025-ci ildə Azərbaycanın informasiya təhlükəsizliyi və rəqəmsal infrastrukturu təzyiq altında qalır, çünki ekspertlər Milli İnternet Mübadilə Mərkəzinin (İnternet Exchange Point - IXP) olmamasını vurğulayırlar. Multimediya QHT-nin rəhbəri Osman Gündüz İnformasiya və Kommunikasiya Texnologiyaları Agentliyini (İKTA) əsas provayderlər olan Azertelecom, Delta Telecom, AzTelekom və qlobal sənaye liderləri ilə əməkdaşlıq edərək Milli İnternet Mübadilə Mərkəzinin yaradılmasına rəhbərlik etməyə çağırıb.
Rəy yaz