“Tox illərimiz” bitdi, nə etməli?

Resurs  gəlirlərindən kəskin asılığı olan milli iqtisadiyyat 2025-ci ilə nisbətən sabitləşən neft hasilatı, lakin ucuzlaşaması gözləniləm neft qiymətləri, artan inflyasiya təzyiqləri  və devalvasiya gözləntiləri ilə qədəm qoyur. Bütün bunlar heç şübhəsiz ki, real ümumi daxili məhsulun artım tempinin yavaşımasını, iqtisadiyyata sərmayə qoyuluşlarının və əhaininin alıcılıq qabliyyətinin azalmasını şərtləndirəcək tendensiyalardır. Bu tendensiyalar da öz növbəsində milli  iqtisadiyyatda  yeni iş yerlərinin yaradılması potensialını kiçildir, əmək bazarında gərginliyi, onun nəticəsi olaraq mövcud işsizlik və yoxsulluğu artırır.

Yola saldığımız 2024-cü il iqtisadıyyatda əhəmiyyətli dəyişikliklər və islahat ili kimi tarixdə qala bilmədi. İl ərzində istehlakçıları və biznesi narahat edən qiymət artımlar və devalvasiya gözləntiləri yüksələn xəttlə inkişaf etdi.

2024-cü ildə Azərbaycanının yanacaq və enerji kompleksində "yaşıl" enerji və qazın əhəmiyyəti

Əvvəli yazılarda da büdcənin pis idarəçiliyindən, budcənin icra mərhələsində  korrupsiya risklərindən bəhs etmişdik[1]. Üzərindən 4 ildən çox vaxt keçməsinə baxmayaraq ki, 2025-ci ilin büdcəsi ilə bağlı eyni qənaətləri bölüşürük. Çünki, parlamentdə büdcə işi nominal xarakter daşıyır, Maliyyə Nazirliyi hər il  ən azı 40 faizinin təsnifatı olmayan  növbəti ilin büdcə layihəsini parlamentə təqdim edir. Beləliklə də nəinki sıravi vətəndaşların, hətta parlament üzvlərinin büdcə ilə bağlı təfsilatlı məlumatı olmur.