Bu il ITS Azərbaycanın bütün ərazisini əhatə edəcək - Zaur Əliyev

Bakı/04.02.21/Turan: Bu il icbari tibbi sığorta (ITS) Azərbaycanın bütün ərazisini əhatə edəcək.

İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev bu gün keçirilən mətbuat konfransında deyib ki, ilkin mərhələdə səhiyyənin bu maliyyələşdirmə sistemi 23 şəhər və rayonda tətbiq edilib.

Onun sözlərinə görə, 2020-ci ildə ölkənin 23 regionunda İTS üzrə xidmət paketindən 1 mln. 147,8 min adam istifadə edib. Onlara dövlət büdcəsi hesabına 8,3 mln.-dan çox tibbi xidmət göstərilib. İTS çərçivəsində 35 287 cərrahiyyə əməliyyatı edilib. Bu regionlarda əhalinin sayı 2 mln. 256 min nəfər təşkil edir.

İcbari Tibbi Sığorta üzrə Dövlət Agentliyi sisteminin stasionar və ambulator müəlicə müəssisələrində dövlət hesabına maliyyələşdirilən dərman vasitələrinin çeşid sayı 126-dan 334-ə, tibbi sərflərin çeşid sayı isə 116-dan 296-ya çatıb, deyə gentlik rəhbəri qeyd edib.

2020-ci ildən səhiyyə işçilərinin fəaliyyətinin qiymətləndirilməsi yeni qaydalara əsasən aparılır və nəticədə onlara verilən əmək haqqının həcmi (142 mln.) 43,5% artıb.     

Xatırladaq ki, bu ilin yanvar ayından İTB sığorta ölkənin daha 36 rayon və şəhərində tətbiq edilir. Bakıda İTS apreln 1-dən əlçatan olacaq. Əhalidən İTS üzrə yığım bu ilin yanvar ayından başlayıb. 08D