Konstitusiya Məhkəməsi üç qapalı bankdakı əmanətlərlə bağlı qərar çıxarıb

Bakı/11.08.20/Turan: Fərhad Abdullayevin sədrliyi ilə Konstitusiya Məhkəməsi üç qapalı bankda - "Atabank", "NBC", "AGBank"dakı əmanətçilərlə bağlı qərar qəbul edib.

Xatırladaq ki, yuxarıda adı çəkilən banklardakı bəzi əmanətçilər kompensasiya almaqda problemlə üzləşiblər.

Məlum olub ki, müxtəlif vaxtlarda dörd banka əhalidən əmanət qəbul etmək qadağan edilib. Buna baxmayaraq, əmanətlərin qəbulu prosesi davam edib və nəticədə bəzi vətəndaşların əmanətləri onlardan asılı olmayan səbəblərdən sığortalanmayıb.

Mərkəzi Bank eyni vəziyyətin "Dəmirbank"la olduğunu xatırladıb, o zaman da Konstitusiya Məhkəməsi əmanətçilərin lehinə qərar verib. Buna əsaslanaraq Mərkəzi Bank və Əmanətlərin Sığortalanması Fondu dörd banklar bağlı yeni qərarın qəbulu üçün Konstitusiya Məhkəməsinə müraciət edib.

Məhkəmənin qərarında deyilir ki, bank əmanəti müqaviləsi əmanətçinin depozitini banka köçürdüyü andan bağlanmış sayılır və ilkin (əsas) saziş kimi qəbul edilməlidir. Əmanətin sistemə köçürülmə tarixi depozit müqaviləsinin bağlandığı an hesab edilə bilməz.

Bundan əlavə, məhkəmənin qərarına əsasən, əmanət müqaviləsi müştərinin pulunu banka verdiyi andan tanınmalıdır.–71D-