Bakı/06.10.17/Turan: Likvidlik probleminin həll edilməsi Azərbaycanda kredit faizlərini də aşağı salmaq imkanı yaradıb, deyə Azərbaycan Banklar Assosiasiyasının (ABA) prezidenti Zakir Nuriyev V İnvestorlar Yarmarkasında bildirib.
O, qeyd edib ki, hazırda mikromaliyyə təşkilatları illik təxminən 40%-lə kredit verir. Amma artıq imkanlar yaranıb ki, likvid vəsaitlərin formalaşması hesabına bu faizlər aşağı salınsın.
"Hazırda bank sektorunda 4 mlrd manat məbləğində likvidlik yaranıb. Artıq xaricdən vəsait cəlb etməyə ehtiyac qalmayıb. Banklar daxildən manatla vəsait cəlb edib. Yaxın vaxtlarda banklararası açıq hərrac mexanizmi işə düşəcək və mövcud likvid vəsaitlər maliyyə subyektləri, bazar iştirakçıları arasında bölünəcək", - , deyə o bildirib.
Z.Nuriyev qeyd edib ki, əvvəllər bank sektorunun qarşısında duran məsələ bank sektoruna vəsait cəlb edilməsi idisə, hazırda prioritet bu vəsaitlərin sərfəli şərtlərlə ölkə iqtisadiyyatına ötürülməsidir. -71D-
Maliyyə
-
Əmək və Əhalinin Sosial Müdafiəsi Nazirliyinin yanında İşsizlikdən Sığorta Fondu (İSF) investisiya fəaliyyəti barədə məlumat vermir.
-
2023-cü ilin sonuna Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun (DSMF) investisiya qoyuluşu 2 515,3 milyon manat təşkil edib.
-
Azərbaycanda 2025-ci ilin dövlət büdcəsindən “2022-2026-cı illərdə sosial-iqtisadi inkişaf Strategiyası”nın icrasına təxminən 6,5 milyard manat xərclənəcək.
-
Azərbaycan Mərkəzi Bankı 1 fiziki şəxsə - Nəbiyev Səbuhi Zakir oğluna sığorta agenti fəaliyyətinə verdiyi lisenziyanın qüvvəsini bərpa edib.
Rəy yaz