Açiq mənbələrdən foto.
Bakı/17.09.21/Turan: Azərbaycan Mərkəzi Bankının İdarə Heyəti cümə günü uçot dərəcəsinin 6,25%-dən 6,5%-ə yüksəldilməsi barədə qərar qəbul edib.
Mərkəzi Bankın məlumatında qeyd edilir ki, dəhlizin aşağı həddi 5,75%-dən 6%-ə, yuxarı həddi 6,75%-dən 7%-ə yüksəldilir.
Mərkəzi Bankdan qeyd ediblər ki, bu qərar qlobal iqtisadiyyatda güclənən inflyasiya proseslərinin, xüsusilə ərzaq və xammal qiymətlərinin, nəqliyyat və logistika xərclərinin artımının milli iqtisadiyyata ötürülməsi prosesinin güclənməsi nəzərə alınmaqla qəbul edilib.
Bundan başqa, qərarın qəbulu zamanı tənzimlənən qiymət və tariflərin liberallaşmasının təsiri də nəzərə alınıb.
Xatırladaq ki, Mərkəzi Bank 2021-ci ildə bundan əvvəlki beş iclasında faiz dərəcəsini dəyişdirməyib. -71D-
Maliyyə
-
Hesablama Palatası Bakı Dövlət Universitetində, eləcə də Azərbaycan Dövlət Bədən Tərbiyəsi və İdman Akademiyasında nöqsanlar aşkar edib.
-
2023-cü ildə Dövlət Neft Fondunun (ARDNF) işçilərinin əmək haqqı xərcləri 9,8 milyon manat təşkil edib.
-
2024-cü ilin I yarısında Azərbaycanın dövlət büdcəsinin əsaslı xərcləri 4 948 milyon manat təşkil edib.
-
2024-cü il iyunun sonuna Azərbaycanın kredit ittifaqları 9,1 milyon manatlıq balans kapitalına malik olub.
Rəy yaz