Açiq mənbələrdən foto.
Bakı/13.06.23/Turan: Azərbaycan Mərkəzi Bankının (AMB) uçot dərəcəsinin effektivliyi qeyri-qənaətbəxşdir. Bu mexanizmin işləməsi üçün vaxt lazımdır.
Bunu qurumun sədri Taleh Kazımov iyunun 12-də Milli Məclisin İqtisadi siyasət, sənaye və sahibkarlıq komitəsinin iclasında bildirib.
Bununla yanaşı, baş bankir “təsəlli yerinin olduğunu” da qeyd edib: “Uçot dərəcəsinin dəyişməsi banklararası faiz dərəcəsinin dəyişməsinə təsir edir. Şadıq ki, bu transmissiya işləməyə başlayıb”.
Azərbaycanda uçot dərəcəsinin effektsiz mexanizm olduğunu ölkədəki müstəqil ekspertlər də vaxtaşırı dilə gətirirlər. Onların fikrincə, banklar AMB-nin ucuz kredit resurslarından demək olar ki, faydalana bilmirlər. Bunu qurumun açıqladığı statistika da sübut edir. Aprelin sonuna yerli bankların AMB-dən cəlb etdikləri vəsaitin məbləği cəmi 108,6 milyon manat olub. Bu isə bankların öhdəliklərinin cəmi 0,3%-i deməkdir. Odur ki, tənzimləyici qurum uçot dərəcəsini artırıb-azaldanda (verdiyi kreditləri bahalaşdırıb-ucuzlaşdıranda) onun bazara təsiri hiss olunmur. -0-
Maliyyə
-
Azərbaycan Mərkəzi Bankı (AMB) innovativ maliyyə məhsullarının onun nəzarəti altında məhdud şəkildə sınaqdan keçirilməsini təmin edən xüsusi tənzimləmə rejiminin ikinci dövründə iştirakla bağlı müraciətlərin qəbulu müddətini 1 ay - fevralın 15-nə qədər uzadıb.
-
“Bakı Fond Birjası” (BFB) və “Troni” investisiya şirkəti arasında “Azərbaycan Beynəlxalq Bankı”nın (ABB) AZ1004004581 ISIN kodlu səhmləri üzrə marketmeyker müqaviləsi bağlanılıb.
-
İndiyə qədər İpoteka və Kredit Zəmanət Fondunun zəmanəti ilə Azərbaycan sahibkarlarına güzəştli şərtlərlə 550 milyon manata yaxın kredit verilib, bunun 118,6 milyon manatı 2024-cü ilin payına düşüb.
-
Sabah “Bakı Fond Birjası”nda (BFB) “Embafinans” bank olmayan kredit təşkilatının (BOKT) AZ2013020600 ISIN kodlu, 2 milyon manatlıq, 1 il tədavül müddətli faizli, təmin edilməmiş, sənədsiz, adlı istiqrazlarının yerləşdirilməsi üzrə hərrac keçiriləcək.
Rəy yaz