İranla sərhəddə narkotik vasitə alverçiləri, Rusiya ilə sərhəddə isə Əlcəzairli sərhəd pozucuları saxlanılıb

Bakı/13.06.23/Turan: Dövlət Sərhəd Xidmətinin (DSX) "Horadiz" və "Göytəpə" sərhəd dəstələrinin əməkdaşları ümumi çəkisi 17 kiloqram 70 qram olan narkotik vasitələrin qaçaqmalçılıq yolu ilə Azərbaycana keçirilməsinin qarşısını alıb.

Bundan əlavə, "Xudat" sərhəd dəstəsinin xidməti ərazisində isə dövlət sərhədini pozmağa cəhd göstərən 2 (iki) nəfər sərhəd naryadı tərəfində saxlanılıb.

Qaçaqmalçılıq yolu ilə İrandan Azərbaycana keçirilməsi nəzərdə tutulan 5 kiloqram 370 qram narkotik vasitənin qarşısı iyunun 12-də "Horadiz" sərhəd dəstəsinin Zəngilan rayonunun Muğanlı kəndi yaxınlığında yerləşən sərhəd zastavasının xidməti ərazisində aşkar olunaraq götürülüb.

Qalan 11 kiloqram 700 qram narkotik vasitənin Azərbaycana keçirilməsinin qarşısı isə iyunun 13-də "Göytəpə" sərhəd dəstəsinin əməkdaşları tərəfindən İmişli rayonunun Muğanlı kəndi yaxınlığında yerləşən sərhəd zastavasının xidməti ərazisində alınıb. 1991-ci il təvəllüdlü İran vətəndaşı Dindar Əvəz Qədəməli tərəfindən narkotik vasitənin qaçaqmalçılıq yolu ilə İrandan Azərbaycana keçirilməsinin qarşısı alınıb.

İyunun 12-də "Xudat" sərhəd dəstəsinin Qusar rayonunun Samur qəsəbəsi yaxınlığında yerləşən sərhəd zastavasının xidməti ərazisində Azərbaycan sərhədinin  Rusiya istiqamətində dövlət sərhədini pozmağa cəhd göstərən Əlcəzair vətəndaşları 1996-cı il təvəllüdlü Khermaza Bachir Hamza və 2002-ci il təvəllüdlü Chettouh Mohamed Abdelghani saxlanılıb.

Qeyd edilən faktlar üzrə əməliyyаt-istintaq tədbirləri dаvаm еtdirilir. 0