105 nəfər minaya düşüb-Azərbaycan XİN 

Bakı/04.04.21/Turan: “2020-ci il noyabrın 10-da Azərbaycan, Ermənistan və Rusiya liderləri tərəfindən Ermənistan və Azərbaycan arasındakı bütün hərbi əməliyyatlara son qoyulduğunu elan edən üçtərəfli bəyanat imzalandığı vaxtdan bu günədək, işğaldan azad olunmuş ərazilərimizdə mina partlaması nəticəsində aralarında 14 nəfəri mülki şəxs olmaqla, 20 nəfər Azərbaycan vətəndaşı həlak olub. Eyni zamanda, digər insanları qorumağa çalışan Azərbaycan Respublikası Ərazilərinin Minalardan Təmizlənməsi üzrə Milli Agentliyinin (ANAMA) cəsur əməkdaşları da daxil olmaqla, 85 vətəndaşımız (o cümlədən, 16-sı mülki şəxs) ağır yaralanıb”, Bu barədə Azərbayxan Xarici İşlər Nazirliyi bu gün, 4 aprel – Beynəlxalq Mina Xəbərdarlığı Günü ilə bağlı yaydığı bəyanatda bildirir.

Bəyanatda  vurğulanır ki, Azərbaycan tərəfin tələbinə baxmayaraq Ermənistan hökumətiişğaldan azad edilmiş ərazilərdə mina yerləri ilə bağlı məlumatı bölüşməkdən imtina edir,bu isə zərbaycan hərbçiləri və mülki vətəndaşları arasında çox sayda itkiyə səbəb olub. 

Bəyanata görə, Ermənistan beynəlxalq öhdəliklərini açıq şəkildə pozaraq, minalanmış ərazilərin yeri barədə məlumatı təqdim etməkdən imtina edi, bu isə  beynəlxalq humanitar hüququn ciddi şəkildə pozulması deməkdir. 

Müəllifləh deyirlər ki, bu ərazilərin kütləvi minalanması bərpa və yenidənqurma planlarının icrasına ciddi şəkildə mane olur, 100 minlərlə məcburi köçkünün öz evlərinə təhlükəsiz və layiqli şəkildə qayıtmasına mənfi təsir göstərir. 

Buna cavab olaraq Azərbaycan Ermənistandan beynəlxalq hüquq qarşısında tutduğu öhdəlikləri və insan həyatını qorumaqla bağlı mənəvi borcunu yerinə yetirməsini tələb edir. -05D-