Nikol Pashinyan
Bakı/17.05.21/Turan:Mayın 16-da axşam Ermənistan kütləvi informasiya vasitələri bildiriblər ki, 17 may səhərdən azərbaycanlı hərbçilər Sünikdə tutduqları mövqeləri tərk edəcəklər. Ancaq günortaya qədər bu barədə heç bir təsdiq və məlumat yoxdur.
Ötən gün axşam Ermənistan Təhlükəsizlik Şurasının iclasında hökumət başçısı Nikol Paşinyan deyib ki, vəziyyətdə prinsipial dəyişiklik baş verməyib, ancaq mayın 14-də bəzi azərbaycanlı hərbçilər Ermənistan ərazisini tərk ediblər.
"Bu prosesin davam edəcəyi əlamətləri olsa da, ümumilikdə, mən hərbi-siyasi vəziyyəti ayın 12- dən sonra dəyişməz hesab edirəm", - o deyib.
“Bu səbəbdən Ermənistan Kollektiv Təhlükəsizlik Müqaviləsi Təşkilatının iştirakı ilə böhranın nizamlanmasına təkid edəcək”, - o deyib və "Zəngəzur dəhlizi"nin açılması ilə bağlı İlham Əliyevin bəyanatını rədd edib.
"Ermənistan dəhliz məsələsini heç zaman müzakirə etməyib və müzakirə etməyəcək", - o deyib və əlavə edib ki, “regionda kommunikasiyanın açılması bizim siyasi gündəlikdə durur”
Sərhədlərin dəqiqləşdirilməsinə gəlincə, bu proses ikitərəfli ola bilməz. Çünki Ermənistanla Azərbaycanın heç bir əlaqəsi yoxdur, odur ki, proses üçtərəfli olmalıdır. Lakin Paşinyan üçüncü tərəfi açıqlamayıb.
Əgər siyasi üsullar nəticə verməsə, Ermənistan hərbi-siyasi mexanizmlərdən – Kollektiv Təhlükəsizlik Müqaviləsi Təşkilatı Ermənistan-Rusiya sazişlərindən istifadə etmək niyyətindədir, o deyib.-02D-
Siyasət
-
III Respublika Platforması (ResPlatforma) Dirçəliş Günü ilə əlaqədar Bəyanat yayıb. Bəyanatda Azərbaycan millətinin Dirçəliş Günü təbrik edilir. Həmçinin Bəyanatda 17 noyabr prosesinin Dağlıq Qarabağ üzərində Azərbaycanın suverenliyinin təmin edilməsi tələbi ilə başlayan mitinqlərin müstəqillik hərəkatının başlanğıcı olması və 17 noyabr prosesinin müstəqilliyin əldə edilərək II Respublikanın qurulması ilə nəticələndiyi qeyd edilir. Bu minvalla ResPlatforma müstəqillik və Qarabağ davası uğrunda fədakarlıq göstərən vətəndaşlarımızı, o cümlədən şəhid və qazilərimizi dərin minnətdarlıq hissi ilə yad edir.
-
Noyabrın 17-də Azərbaycanda Milli Dirçəliş Günü qeyd edilir. 17 noyabr 1988-ci ildə Bakının əsas meydanı olan "Azadlıq" meydanında (keçmiş Lenin meydanı red.) Qarabağ üzərində suverenliyin təmin edilməsi tələbilə fasiləsiz mitinqlər başladı. Sonradan mitinq iştirakçıları Azərbaycanın müstəqilliyi məsələsini qaldırdılar.
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
Rəy yaz