![Açiq mənbələrdən foto.](https://turan.az/resized/media/2023/main/071400064335-750-500-resize.webp)
Açiq mənbələrdən foto.
ABŞ Avropada öz qüvvələrini genişləndirir
Vaşinqton/14.07.23/Turan: Cümə axşamı ABŞ prezidenti Co Bayden Rusiyanın Ukraynada müharibəsi davam etdiyinə görə Pentaqonun Şərqi Avropaya 3000-dək ehtiyat qüvvə göndərməsinə icazə verən fərman imzalayıb, Turan-ın müxbiri Ağ Evdən bildirib.
Ehtiyatda olanlara həqiqi xidmətdə olanlarla eyni üstünlükləri verən yeni icazəyə əsasən, onlar NATO və onun şərq cinahını möhkəmləndirən davamlı rotasiya yerləşdirməsində - "Atlantik qətiyyəti" əməliyyatında iştirak edəcəklər.
Ötən ilin fevralında Rusiyanın hücumu başlayandan bəri ABŞ Avropada öz qoşunlarının sayını 80 000-dən 100 000-dən çox hərbi qulluqçuya qədər artırıb. Lakin Amerika qoşunlarının heç biri müharibədə birbaşa iştirak etmir, çünki Ukrayna hazırda NATO-nun üzvü deyil.
Pentaqon nümayəndələrinin sözlərinə görə, Baydenin son qərarı Avropadakı güc strukturlarının hazırkı səviyyəsini dəyişməyəcək. ABŞ-ın Avropa komandanlığı bu yeni səlahiyyətlərdən ABŞ-ın NATO kollektiv təhlükəsizliyinə sadiqliyini davam etdirməklə istifadə etməyə hazırlaşır, rəsmi nümayəndə, ABŞ Hərbi Dəniz Qüvvələrinin kapitanı Bill Spiks jurnaistlərə bildirib.
Ukraynada hərbi əməliyyatların hazırkı qiymətləndirilməsilə bağlı suala cavab verən Spiks deyib ki, Ukrayna qüvvələri atəşə və bombardmana baxmayaraq, "öz yeni texnikalarının öhdəsindən əla gəlir”.
Dünən Bayden Avropadan evə qayıtmazdan öncə etdiyi son çıxışında da eyni fikri təkrarlayıb. O bildirib ki, nizamlanmanı danışıqlar yoluyla sürətləndirmək üçün Ukraynanın özünün indiki əks hücumunda irəliləyişə nail olacağına ümid edir.
ABŞ prezidenti onu da deyib ki, müharibənin uzun illər davam edəcəyini düşünmür, Vladimir Putin "artıq uduzub".
"Onun Ukraynada müharibəni qazanmaq şansı yoxdur. O, artıq bu müharibəni uduzub", -Bayden jurnalistlərə bildirib.
Aleks Raufoğlu
-
- Foto sessiyalar
- 14 İyul 2023 12:03
-
- Siyasət
- 14 İyul 2023 13:03
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz