Antony Blinken
Bakı/02.12.21/Turan: ABŞ Ermənistan və Azərbaycan arasında birbaşa dialoqun bərpa edilməsini alqışlayır və tərəfləri hərbi əsirlər, minatəmizləmə, itkin düşmüş şəxslər problemi də daxil olmaqla, humanitar məsələləri həll etməyə, insan hüquqlarının və beynəlxalq humanitar hüququn pozulması hallarını araşdırmağa çağırır. Bu barədə ABŞ dövlət katibi Entoni Blinken Stokholmda ATƏT XİN başçıları Şurasının iclasında çıxış edərkən bildirib. O, ABŞ və Rusiyanın irəliləyişə nail olmaq üçün bu məsələdə əməkdaşlıq edə biləcəklərinə ümidini ifadə edib.
Daha sonra Blinken Bakı və Yerevanı sərhədin delimitasiyası və demarkasiyası prosesinə, habelə iqtisadi əlaqələrin və nəqliyyat əlaqələrinin bərpasına başlamaq, "Qarabağ münaqişəsinin dinc həlli üçün" ATƏT-in Minsk Qrupu ilə işi davam etdirməyə çağırıb. -02D-
Siyasət
-
Demokratik Qüvvələrin Milli Şurası tərəfindən tərtib edildiyi iddia edilən saxta sənəd ətrafında qalmaqal 2013-cü ildə Azərbaycanda keçirilmiş prezident seçkilərində siyasi müdaxilə və manevrlərlə bağlı suallar doğurub.
-
Fransa Xarici İşlər Naziri Jan-Noel Barro şənbə günü Azərbaycanı Yeni Kaledoniya və digər Fransız dənizaşırı ərazilərində vəziyyəti qeyri-sabitləşdirməyə cəhd etməkdə ittiham edib. Sosial media platforması X-də etdiyi açıqlamada Barro bildirib: "Bakı qrupu bir daha Yeni Kaledoniyada milli siyasi həyatımızı qeyri-sabitləşdirməyə çalışıb. Azərbaycanın dənizaşırı ərazilərimizdəki bu mənasız cəhdləri qəbuledilməzdir və dərhal dayandırılmalıdır."
-
Azərbaycanın müdafiə nazirinin müavini və Quru Qoşunlarının komandanı, polkovnik-general Hikmət Mirzəyev Türkiyəyə rəsmi səfəri çərçivəsində Türkiyə Silahlı Qüvvələrinin Baş Qərargah rəisi, general Metin Gürak ilə görüşüb.
-
Bakı-Moskva münasibətlərində AZALın təyyarə qəzasından sonra başlayan soyuqluq, deyəsən, güclənir. Bakı getdikcə tez-tez Moskvaya təyyarənin qəzaya uğramasının və vətəndaşlarının həlak olmasının üstünü örtməyə imkan verməyəcəyini göstərir.
Rəy yaz