Açiq mənbələrdən foto.
ABŞ-dakı mənbələr Suriya üsyançılarının Qarabağa çıxarılmasını və Türkiyəyə məxsus F-16-nın döyüşlərə cəlb edilməsini təsdiqləmirlər
Vaşinqton/01.10.20/Turan: Cənubi Qafqazla məşğul olan iki amerikalı məmur anonimlik şəraitində TURAN-ın Vaşinqtondakı müxbirinə bildirib ki, onlarda Suriya üsyançılarının Dağlıq Qarabağda yerləşdirilməsini təsdiqləyən “informasiya və ya kəşfiyyat məlumatları yoxdur”.
Onlar “hərbi əməliyyatlarda iştirak etmək üçün əsasən Suriya, Livandan Dağlıq Qarabağ zonasına qanunsuz silahlı birləşmələrin çıxarılması” barədə Rusiya XİN-in çərşənbə günü yaydığı məlumatı belə şərh ediblər.
Bundan əlavə, Dövlət Departamentinin yüksək vəzifəli məmuru Türkiyənin F-16 təyyarəsinin ermənilərin hərbi təyyarəsini vurması barədə Ermənistan XİN-in bəyanatını təsdiqləməyib.
“Bununla bağlı heç bir məlumatım yoxdur. Hazırda məndə bunu təsdiqləyəcək heç bir fakt yoxdur”, - diplomat Turan agentliyinə bildirib.
Bu həftənin əvvəlində dövlət katibi Pompeonun Yunanıstana səfərindən sonra Dövlət Departamentinin yüksək vəzifəli məmuru “türkiyəli həmkarları ilə görüşmək üçün iki günlüyə” İstanbul və Ankaraya səfər edəcək. Görüşlərdə Qarabağ münaqişəsi də daxil olmaqla, regional məsələlər müzakirə ediləcək.-25B-
Siyasət
-
Prezident İlham Əliyev İran İslam Respublikasının milli bayramı – İslam İnqilabının Qələbəsi Günü münasibətilə iranlı həmkarı Məsud Pezeşkiana təbrik məktubu ünvanlayıb.
-
Transparency International-in 2024-cü il Korrupsiya Qavrayışı İndeksi (CPI) korrupsiyanın dünya üzrə davam edən problemlərdən biri olduğunu bir daha vurğulayır və onun idarəetmə, iqtisadi inkişaf və iqlim tədbirləri üzərində dağıdıcı təsirini önə çəkir. CPI 180 ölkəni ictimai sektorda korrupsiyanın qavranılma səviyyəsinə görə qiymətləndirərək 0 (çox korrupsiyalaşmış) ilə 100 (çox şəffaf) arasında bal verir. Son hesabat qlobal ortalama göstəricinin 43 olduğunu və illərdir dəyişmədiyini göstərir. Üstəlik, ölkələrin üçdə ikisindən çoxu 50-dən aşağı bal alıb ki, bu da korrupsiyanın dünya miqyasında ciddi və hələ də həll olunmamış problem olaraq qaldığını sübut edir.
-
"Nezıqar" teleqram kanalının yaydığı məlumata görə, RF Təhlükəsizlik Şurasında müvafiq idarələrin iştirakı ilə "Bakı tərəfindən yaradılan, ölkələr arasında bağlanmış müqavilələrə və sazişlərə, o cümlədən 2022-ci il tarixli Qarşılıqlı Müttəfiqlik Fəaliyyəti haqqında Müqaviləyə zidd olan təcavüzkar gərginliyə" cavab tədbirləri variantları nəzərdən keçirilir.
-
Ötən həftə Azərbaycanda daha iki məşhur jurnalist həbs olunub. Şahnaz Bəylərqızı son aylar həbs edilmiş səkkizinci qadın jurnalist oldu.
Rəy yaz