ABŞ İrandan Rusiyaya pilotsuz uçan aparatların tədarükünü dayandırmağı və insan hüquqlarına hörmət etməyi tələb edir

Vaşinqton/18.08.23/Turan: Birləşmiş Ştatlar cümə axşamı bildirib ki, İranın sabitliyi pozan hərəkətlərdə iştirakını, o cümlədən Ukraynaya hücum etmək üçün Rusiyaya pilotsuz uçüş apparatları verilməsini ciddi qəbul edir.

“Müttəfiqlərimiz və tərəfdaşlarımızla koordinasiyada həm İran rejimini, həm də Rusiya Federasiyasını ukraynalı tərəfdaşlarımıza qarşı pilotsuz təyyarələrdən istifadə etdiyinə görə məsuliyyətə cəlb etməyə davam edəcəyik. Biz dəqiq bilirik ki, İran rejimi Rusiyaya pilotsuz təyyarələr verir”, - deyə Dövlət Departamentinin sözçünün müavini Vedant Patel brifinqdə deyib.

Patel onu da bildirib ki, Evin həbsxanasından ev dustaqlığına köçürülən Amerika vətəndaşlarının azadlığa buraxılması ilə bağlı İranla bu yaxınlarda əldə olunan razılaşma “ayrı bir problemdir”.

TURANın Vaşinqtonun Məhsa Əmininin öldürülməsinin birinci ildönümü ərəfəsində İran liderlərini insan haqları sanksiyaları ilə cəzalandırmağa hazır olub-olmaması ilə bağlı sualına Patel deyib ki, ABŞ “cinayətkarları və insan haqlarını pozanları tutmaq üçün addımlar atmaqdan çəkinmir və İran da istisna deyil”.

“İran rejimi insan haqlarını boğmaqda davam edir və bu insan haqları pozuntuları təhlükədir. Regiondakı müttəfiqlərimiz və tərəfdaşlarımızla əməkdaşlıqda buna qarşı mübarizə aparacağıq”, - deyə o, yekunlaşdırıb. 0