ABŞ öz səfirliyini Kiyevə qaytarır

Vaşinqton/26.04.22/Turan:  Bazar ertəsi Bayden administrasiyası yaxın günlərdə öz diplomatlarını Ukraynaya qaytarmaq və Kiyevdəki səfirliyin işini bərpa etmək niyyətində olduğunu təsdiqləyib, Turan-ın Vaşinqtondakı müxbiri bildirib.

Bundan öncə  Ağ Ev elan edib ki, ABŞ-ın Slovakiyadakı hazırkı səfiri Bricit Brinki Ukraynaya səfir təyin edəcək.

Brink öz karyerasının böyük  hissəsini Dövlət Departamentində Avropa və Avrasiya məsələlərinə həsr edib.

Amerika səfirliyi fevral ayında, Rusiya hərbçiləri onun ətrafında olarkən Kiyevi tərk edib, lakin bazar ertəsi Dövlət Departamenti həmin məmurların tezliklə qayıdacağına işarə edib.

"Biz amerikalı diplomatları Ukraynaya qaytaracağıq", - dövlət katibi Blinken jurnalistlərə bildirib. "Sonra Kiyevdə səfirlik açılacaq".

Dövlət Departamentinin rəsmi nümayəndəsi Ned Prays Blinken və Ostinin Kiyevə səfər etdiyini bildirib: “Bu, bizim Ukraynaya dəstəyimizi və ABŞ-ın Kiyevdəki səfirliyi mümkün qədər tez geri qaytarmaq öhdəliyinin bir hissəsini nümayiş etdirir".

Ukrayna Prezidenti Vladimir Zelenski müttəfiqləri öz diplomatik qurumlarını Kiyevə qaytarmağa çağırıb və xarici liderləri Rusiyanın təcavüzü qarşısında dəstək əlaməti olaraq ölkəyə dəvət edib. -0-