Açiq mənbələrdən foto.
Vaşinqton/02.08.22/Turan: Bazar ertəsi Ağ Ev Ukraynaya 550 milyon dollarlıq yeni hərbi yardım paketini elan edib, Turan-ı Vaşinqton müxbiri bildirib.
Pentaqonun məlumatına görə, ABŞ-ın 17-ci yardım paketinə 75 min 155 millimetrlik artilleriya mərmisi, həmçinin HIMARS sistemləri üçün raketlər daxil olacaq. Bazar ertəsi səhər daha 4 HIMARS sistemi Ukraynaya çatıb.
Öz növbəsində, dövlət katibi Blinken Birləşmiş Millətlər Təşkilatında jurnalistlərə bildirib ki, Vaşinqton Rusiya qüvvələrinin Ukraynada nüvə obyektlərini ələ keçirməsilə bağlı xəbərlərdən “çox narahatdır”.
“Rusiya bu obyektlərdən canlı sipər kimi istifadə edir və təbii ki, ukraynalılar nüvə stansiyasında qəzaya yol verməmək üçün cavab atəşi aça bilməzlər və açmayacaqlar”, - o əlavə edib.
Blinken qəzadan qorunmaq üçün Beynəlxalq Atom Enerjisi Agentliyinin nüvə obyektlərinə çıxışının vacib olduğunu bildirib. 0
Siyasət
-
Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi başa çatıb.
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
-
Beynəlxalq "Qadınlar üçün mətbuat azadlığı" təşkilatı (Women Press Freedom) Azərbaycanda jurnalist Şahnaz Bəylərqızının həbsini pisləyib.
-
"Arqument.az" saytının redaktoru Şəmşad Ağa Meydan TV-nin işi üzrə qaçaqmalçılıqda (CM-in 206.3.2-ci mad.) təqsirli bilinib və 2 ay 1 gün müddətinə həbs edilib. Bu qərarı fevralın 6-da Bakının Xətai Rayon Məhkəməsi qəbul edib, bu barədə Turan-a onun vəkili Şəhla Hümbətova bildirib.
Rəy yaz