Açiq mənbələrdən foto.
ABŞ Ukraynaya Rusiyanın kiberhücumlarından qorunmaqda kömək edir
Vaşinqton/11.05.22/Turan: ABŞ Moskvanın Ukraynaya qarşı təcavüzü başlamazdan əvvəl, həm də müharibə zamanı həyata keçirdiyi dağıdıcı kiberhücumlar haqqında məlumatları açıqlayıb.
Dövlət katibi Entoni Blinken bildirib ki, Ukrayna hökumətinin və özəl şirkətlərinin vebsaytları çoxsaylı dağıdıcı kiberhücumlara məruz qalıb.
Öz növbəsində, Avropa İttifaqındakı mənbələr bildiriblər ki, kiberhücum Rusiyanın təcavüzündən bir saat əvvəl baş verib, bu da rabitədə ciddi problemlərə və bir neçə dövlət orqanının və müəssisənin işinin pozulmasına gətirib çıxarıb. Mənbənin məlumatına görə, hücum Ukrayna hüdudlarından kənara da yayılıb, Aİ üzvü olan bir neçə ölkəni əhatə edib.
"Biz və tərəfdaşlarımız bu hərəkətlərdən qorunmağa kömək etmək üçün addımlar atırıq", deyə Dövlət Departamentinin rəsmi nümayəndəsi Ned Prays gündəlik mətbuat brifinqində bildirib.
"Biz Ukraynanın təhdidləri üzə çıxarmasına və itkiləri bərpa etməsinə kömək edəcək yeni mexanizmləri müəyyən etmişik. Biz həmçinin peyk rabitəsi və Ukrayna dövlət orqanlarının məlumatlarının ötürülməsi üçün terminallar təqdim etməklə, Ukraynanın rəqəmsal rabitəsinə dəstəyi artırdıq", deyə Prays bildirib.
Dövlət Departamenti həmçinin Ukraynanın hüquq-mühafizə orqanlarına birbaşa dəstək, kibertəhlükələr haqqında informasiya mübadiləsi, habelə dezinformasiya yayılması səylərinin qarşısının alınmasına yardım haqqında məlumatları açıqlayıb.
Rusiya Ukraynada hərbi cinayətlərini davam etdirdiyinə görə Dövlət Departamenti Rusiyanın terrorçuluğa sponsorluq edən dövlətlər siyahısına salınması mümkünlüyünü nəzərdən keçirir.
Çərşənbə axşamı axşam saatlarında ABŞ-ın Nümayəndələr Palatası Ukraynaya dəstək üçün 40 milyard dollara yaxın vəsait ayrılmasının lehinə səs verib. Senat bu məbləği təsdiq etdikdən sonra qərarı prezident Bayden təsdiq edəcək. -25B-
-
- Siyasət
- 11 May 2022 11:33
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz