Vaşinqton/09.08.23/Turan: Bu həftə Bayden administrasiyası Ukrayna üçün yeni hərbi yardım paketini elan etmək niyyətindədir, Dövlət Departamentinin rəsmi nümayəndəsi Metyü Miller bildirib.
"Dediyimiz kimi, biz Ukraynanı artilleriya və bütün digər silahlarla təmin etməyə davam edirik", - Miller deyib. "Bu həftənin sonunda Ukraynaya əlavə yardım elan edəcəyik", - o bildirib.
Turan-a diplomatik mənbələrdən məlum olub ki, Ukraynanın növbəti hərbi yardım paketinə artilleriya sistemləri, “Cavelin” tank əleyhinə raket kompleksi, Patriot üçün raketlər, nəqliyyat vasitələri və döyüş sursatları daxil olacaq.
Miller bildirib ki, ABŞ Ukraynaya yeni raket və müdafiə sistemlərinin verilməsinin mümkünlüyünü nəzərdən keçirir. O, söhbətin Kiyevin çoxdan ABŞ-dan istədiyi uzun mənzilli ATACMS raketlərindən gedib-getmədiyini dəqiqləşdirməyib.
Yeni paket Rusiyanın Ukraynanın şərqindəki yaşayış məntəqələrini atəşə tutması, o cümlədən Pokrovsk şəhərinə son zərbələr fonunda qəbul edilib. Bu zərbələr nəticəsində 9 dinc sakin həlak olub, onlarla adam yaralanıb. 0
Siyasət
-
Yanvarın 22-də Səbail Rayon Məhkəməsində “dövlətə xəyanətdə” təqsirləndirilən gənc tədqiqatçı Bəhruz Səmədovun ev dustaqlığına buraxılması ilə bağlı vəsatətə baxılıb.
-
Yanvarın 22-də vəkil Zibeydə Sadıqova 1 saylı Bakı İstintaq Təcridxanasında jurnalist Fərid İsmayılova baş çəkib. İsmayılov yanvarın 17-də “Toplum” TV-nin işi üzrə həbs edilib. O, istintaqa hələ 2024-cü ilin martında cəlb edilib. O zaman polis nəzarətinə verilmişdi.
-
Fevralın 3-də Bakı Ağır Cinayətlər Məhkəməsində ictimai fəal Nicat İbrahimin işi üzrə proses başlayacaq. Bu qərarə çərşənbə günü hazırlıq iclasında hakim Aygün Qurbanova qəbul edib.
-
Yanvarın 23-də Azərbaycan Talışları İctimai Şurasının üzvü Hilal Məmmədov Dövlət Təhlükəsizliyi Xidmətinə çağırılıb. O, Turan-a bildirib ki, bu gün Dövlət Təhlükəsizliyi Xidməti Nizami rayon şöbəsinin əməkdaşları Dövlət Təhlükəsizliyi Xidmətinin Baş İstintaq İdarəsinin bildirişini ona gətiriblər.
Rəy yaz