ABŞ və Avropa Ukraynaya iqtisadi yardım üçün milyardlar göndərir

Vaşinqton/13.07.22/Turan: ABŞ dövlət xəzinədarlığı çərşənbə axşamı Ukraynaya 1,7 milyard dollar məbləğində əlavə iqtisadi yardım göndərəcəyini açıqlayıb, TURANın Vaşinqton müxbiri bu barədə xəbər verir.

Bu, Avropa İttifaqının 9 milyard dollardan 1 milyard dollarlıq birinci tranşın Ukrainaya ayrılmasını təsdiqləməsindən dərhal sonra baş verib.

ABŞ-ın maliyyə naziri Janet Yellen bildirib ki, Ukraynaya iqtisadi yardım, prezident Baydenin Ukrayna demokratiyasını Rusiyanın təcavüzündən müdafiə etmək üçün Ukrayna hökumətinə dəstək öhdəliyinin bir hissəsidir.

ABŞ-ın bu töhfəsi  Ukrayna tibb işçilərinə maaşların ödənilməsinə və müharibədən zərər çəkmiş əhali üçün digər əsas xidmətlərə yönəldiləcək.

Bu günə qədər USAİD Ukrayna hökumətinə xəstəxanaların, məktəblərin və digər mühüm infrastrukturun elektrik enerjisi ilə təminatı, habelə humanitar yardımların, tibb işçilərinin, dövlət işçilərinin və müəllimlərin maaşlarının ödənilməsi kimi  vacib funksiyaları yerinə yetirmək üçün 4 milyard dollar Ayırıb-0-