
Lloyd Austin and Hulusi Akar
ABŞ və Türkiyənin müdafiə nazirləri Cənubi Qafqazı və silahların müasirləşdirilməsini müzakirə ediblər
Vaşinqton/18.11.21/Turan: Turan-ın Vaşinqton müxbirinin verdiyi məlumata görə, Müdafiə məsələləri üzrə yüksək səviyyəli Amerika-Türkiyə Qrupunun noyabrın 16-da Pentaqonda keçirilən görüşü zamanı müzakirə etdiyi mövzular arasında Cənubi Qafqaz da olub.
"ABŞ prezidenti Bayden və Türkiyə prezidenti Erdoğan arasında, eyni zamanda müdafiə naziri Ostinlə milli müdafiə naziri Akar arasında bu yaxınlarda baş tutan danışıqlara əsasən, nümayəndə heyətləri bir çox funksional və regional məsələləri müzakirə ediblər". Bu barədə Müdafiə Nazirliyinin rəsmi nümayəndəsi, podpolkovnik Anton Semelrot bildirib.
"Buraya terrorçuluğa qarşı mübarizə və Əfqanıstan, Afrika, Cənubi Qafqaz, Şərqi Aralıq Dənizi və Yaxın Şərqdə regional təhlükəsizlik kimi transmilli prioritetlər daxildir", deyə o qeyd edib.
ABŞ müdafiə nazirinin beynəlxalq təhlükəsizlik məsələləri üzrə köməkçisi səlahiyyətlərini icra edən Laura Kuper iki ölkənin Qara Dəniz üzrə əməkdaşlığını da qeyd edib. Tərəflər həmçinin müdafiə sahəsində əməkdaşlıq məsələlərini müzakirə ediblər. Belə ki, Laura Kuper ABŞ-ın Türkiyənin NATO-ya dəstək üçün hərbi cəhətdən müasirləşmə ehtiyaclarını qəbul etdiyini təsdiq edib.
Pentaqon nümayəndələrinin sözlərinə görə, nümayəndə heyətləri növbəti görüşün Ankarada keçirilməsi barədə razılıq əldə ediblər. -25B-
-
- Siyasət
- 17 Noyabr 2021 17:45
Siyasət
-
Azərbaycan prezidenti İlham Əliyev Somali dövlət başçısının Bakıya səfərinin iki ölkə arasında "sıx dostluq münasibətlərində yeni səhifə açacağına" əminliyini bildirib.
-
Rusiya Azərbaycan qazının Ukraynanın qaz-nəqliyyat sistemindən istifadə ilə Aİ-yə tədarükü mümkünlüyünü müzakirə etmir. Bu barədə çərşənbə axşamı jurnalistlərə Rusiya baş nazirinin müavini Aleksandr Novak bildirib. "Müzakirə olunmur", deyə o qeyd edib.
-
Fevralın 12-də Bakı Apellyasiya Məhkəməsi jurnalist Ramin Cəbrayılzadənin (Deko) ev dustaqlığına keçirilməsindən imtina ilə bağlı verilmiş şikayəti təmin etməyib, bu barədə onun vəkili Nemət Kərimli bildirib. Müdaifə tərəfi bu qərarı əsassız hesab edir, belə ki, Meydan TV-nin işi üzrə həbs edilmiş Deko barəsində istintaq hərəkətləri aparılmır.
-
"Azərbaycanda Siyasi Məhbusların Azadlığı Uğrunda" İttifaq 357 nəfərdən ibarət yenilənmiş siyasi məhbuslar siyahısını dərc edib. 12 dekabr 2024-cü il tarixli əvvəlki siyahı ilə müqayisədə siyasi məhbusların sayı 26 nəfər artıb.
Rəy yaz