Açiq mənbələrdən foto.
ABŞ yeni sanksiyalar tətbiq edir və Ukraynada müharibə aparmayacaq
Vaşinqton/12.03.22/Turan: Cümə günü ABŞ Vladimir Putinin Ukraynaya hücumunu dəstəkləyən Kreml elitasına, onların ailə üzvlərinə və oliqarxlara qarşı əlavə sanksiyaları elan edib. Bu barədə TURAN-ın Vaşinqtondakı müxbiri məlumat verib.
Onlar arasında Putinin iki separatçı "respublikanı" tanıması üçün lobbiçilik edən 12 Rusiya parlamentarisi, o cümlədən Dumanın spikeri Vyaçeslav Volodin, Putinin mətbuat katibi Peskovun ailə üzvləri, milyarder Viktor Vekselberq və Rusiyanın ikinci böyük bankı olan VTB Bankın İdarə Heyəti (10 nəfər) var.
Sonuncu sanksiyalar prezident Co Baydenin ABŞ və müttəfiqlərinin Rusiyanı ticari "ən əlverişli şərait" statusundan məhrum etdiyini elan etməsindən cəmi bir neçə saat sonra tətbiq edilib. Bu, Rusiya iqtisadiyyatına daha bir zərbə olacaq. Ağ Ev soyuq müharibə dövrünün ticari məhdudiyyətlərini tətbiq etmək üçün Konqreslə işləmək istəyir.
Bayden həmçinin ümumi dəyəri 1 milyard dollardan artıq olan Rusiya dəniz məhsullarının, araq və brilyantlarının idxalını qadağan etdiyini elan edib.
Cümə günü ABŞ Ticarət Nazirliyi də Amerika istehsalı olan alkoqol, zərgərlik məmulatları, avtomobil və geyim məhsullarının Rusiya və Belarusa ixracına və təkrar ixracına məhdudiyyətlər qoyub.
ABŞ-dan bugünki məhdudiyyətlərin şamil edildiyi malların ixrac dəyəri ildə təxminən 550 milyon dollar təşkil edir.
Rusiya həmçinin Beynəlxalq Valyuta Fondu və Dünya Bankından maliyyə vəsaiti almaq imkanından məhrum edilir.
Cümə günü jurnalistlər qarşısında çıxış edən Bayden həmçinin xəbərdarlıq edib ki, Rusiya Ukrayna ilə müharibə zamanı kimyəvi hücum törədərsə, "ciddi bədəl" ödəyəcək.
Bayden eyni zamanda qeyd edib ki, ABŞ və NATO-nun müttəfiqləri "Ukraynada Rusiya ilə müharibə aparmayacaq", o, bu ssenarini "üçüncü dünya müharibəsi" adlandırıb.
"Putinin Ukraynaya qarşı müharibəsi heç vaxt qələbə olmayacaq", deyə Bayden əlavə edib. -0-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz