Photo TURAN.
Ağ Ev Azərbaycan və ermənilər arasında atəşkəsin "gerçəkləşəcəyinə" ümid edir
Vaşinqton/21.09.23/Turan: Çərşənbə günü Ağ Evdən Dağlıq Qarabağda hərbi əməliyyatları dayandıran sonuncu atəşkəsin möhkəmlənəcəyinə və gələcəkdə zorakılığın qarşısını alacağına ümid etiklərini bəyan ediblər. Xəbəri Turan-ın Amerikadakı müxbiri verib.
"Yaxın gələcəkdə atəşkəs ola biləcəyi haqqında ilkin məlumatlar əldə edirik. Biz, əlbəttə ki, bunun gerçəkləşəcəyinə, zorakılığa son qoyulacağına, humanitar vəziyyətin isə pisləşməyəcəyinə ümid edirik", deyə milli təhlükəsizlik üzrə müşavir Con Kirbi brifinqdə bildirib.
Daha sonra o, əlavə edib ki: "Biz dəfələrlə güc tətbiqinin qəbuledilməz olduğunu, regionda sülh üçün şərait yaratmaq səylərinə zidd olduğunu vurğulamışıq".
Çərşənbə günü Azərbaycan sonuncu hərbi əməliyyatlardan sonra Dağlıq Qarabağ üzərində tam nəzarəti bərqərar etdiyini bildirib.
Kirbi deyib ki, ABŞ güc tətbiqindən "dərin narahatlıq hissi keçirir". O əlavə edib ki, Vaşinqton regionda humanitar vəziyyətin pisləşməsini diqqətlə izləyir.
Kirbinin şərhləri ABŞ-ın Təhlükəsizlik Şurasının bu gün günorta saatlarında (Nyu-York vaxtı ilə) Dağlıq Qarabağda vəziyyətə həsr olunmuş brifinq keçirməyə hazırlaşdığı bir vaxtda səslənib.
Dövlət katibi Entoni Blinken çərşənbə günü axşam Ermənistanın Milli Günü ilə əlaqədar verdiyi bəyanatda qeyd edib ki, ABŞ Ermənistanın müstəqilliyini və ərazi bütövlüyünü dəstəkləyir və "bütün hüquqlara riayət olunan" Cənubi Qafqaz regionunda möhkəm və layiqli sülhə yardım etməyə "əvvəlki kimi sadiqdir". 0
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz