![Ангела Меркель](https://turan.az/resized/750/500/resize/media/2020/main/081900029871.jpg)
Ангела Меркель
Aİ Belarusda keçirilmiş prezident seçkilərinin nəticələrini tanımır
Bakı/19.08.20/Turan: Aİ ölkələrinin dövlət və hökumət başçıları Belarusda keçirilmiş prezident seçkilərinin nəticələrini tanımır. Bu barədə avqustun 19-da AFR kansleri Angela Merkel Brüsseldə keçirilən fövqəladə sammitin yekunlarına görə bildirib, xəbəri DW yayıb.
Onun sözlərinə görə, səsvermə nə ədalətli, nə də azad keçməyib.
"Seçkilər nə ədalətli, nə də azad olmayıb, buna görə də bu seçkilərin nəticəsi qəbul edilə bilməz", deyə rotasiya əsasında iyulun 1-dən etibarən Aİ Şurasının sədri olan Almaniyanın hökumət başçısı bildirib.
"Kütləvi pozuntuların olduğuna heç bir şübhə yoxdur", deyə Merkel üç saata yaxın davam edən məsləhətləşmələrdən sonra bildirib. "Biz insanlara qarşı amansız zorakılığı qınayırıq", deyə o əlavə edib. Bütün siyasi məhbuslar qeyd-şərtsiz azad edilməlidir, bundan başqa, müxalifətin israrla tələb etdiyi milli dialoq baş tutmalıdır. Biz dinc nümayişçilərin tərəfindəyik, deyə Angela Merkel qeyd edib.
Avropa İttifaqı Şurasının rəhbəri Şarl Mişel də seçkilərin nəticələrinin qəbul edilməyəcəyini bildirib. Bundan başqa, Aİ "ölkədə zorakılığa və seçkilərdə saxtakarlıqlara görə məsuliyyət daşıyan çox sayda insana qarşı" sanksiyalar tətbiq edəcək, deyə o əlavə edib. Mişel Minski böhrandan dinc çıxış yol tapmağa çağırıb. -0-
-
- Siyasət
- 19 Avqust 2020 18:06
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz