Açiq mənbələrdən foto.
Aİ-nin Cənubi Qafqaz üzrə xüsusi nümayəndəsi Yerevandan İstanbula yola düşüb
Bakı/09.12.22/Turan: Dekabrın 9-da Avropa İttifaqının Cənubi Qafqaz üzrə xüsusi nümayəndəsi Toyvo Klaar Yerevandan İstanbula gedib. O, Ermənistanın paytaxtında baş nazir Nikol Paşinyan, XİN başçısı Ararat Mirzoyan və Təhlükəsizlik Şurasının sədri Armen Qriqoryanla görüşüb.
Ermənistan KİV-lərinin yaydığı məlumata görə, görüşlərdə Yerevan və Bakı arasında sülh sazişi, Dağlıq Qarabağ ətrafında vəziyyətin inkişafı, Qarabağ ermənilərinin hüquq və təhlükəsizliyi məsələləri müzakirə olunub.
Toyvo Klaar öz Tvitter hesabında belə yazıb: "Qısa səfər, amma Yerevanda baş nazir Nikol Paşinyan, baş nazirin müavini Mqer Qriqoryan və xarici işlər naziri Ararat Mirzoyanla məzmunlu görüşlər. İndi isə İstanbula".
Klaar İstanbula səfərinin məqsədini açıqlamır. Onun Bakıya gəlib-gəlməyəcəyi hələ məlum deyil.
Xatırladaq ki, Klaar noyabrın 28-də Bakıya gəlib və prezident İlham Əliyev və XİN başçısı Ceyhun Bayramovla görüşüb.
O, Bakıdakı görüşlərinin yekunlarına dair Tvitter hesabında belə yazıb: "Azərbaycan prezidentinin Avropa İttifaqı tərəfindən dəstəklənən formata vacib sədaqəti. 2) Bir çox təhdidlər qalmaqdadır; Azərbaycan və Ermənistan təmkinli olmalıdır və gərginliyin azaldılması və hərtərəfli nizamlanmaya nail olunması üçün Azərbaycana və Ermənsitana güclü siyasi iradə lazım olacaq".
Göründüyü qədər, Klaarın son səfərləri dekabrın 7-də Brüsseldə üçtərəfli görüşün pozulması ilə bağlıdır. Həmin vaxt İlham Əliyev Nikol Paşinyanın Fransa prezidenti Makronu da bu görüşə dəvət etmək tələbini qəbul etməyib.
Klaarın Əliyevin "Aİ formatına sadiq olması" haqqında qeydini hamını qane edən düstur tapmaq və Brüsseldə Avropa İttifaqı Şurasının sədri Şarl Mişelin iştirakı ilə Ermənistan-Azərbaycan əlaqələrini davam etdirmək cəhdi kimi qiymətləndirmək olar. 02B
-
- Maliyyə
- 9 Dekabr 2022 12:13
Siyasət
-
Sentyabrın 27-də Azərbaycanın xarici işlər naziri Ceyhun Bayramov Birləşmiş Millətlər Təşkilatı Baş Assambleyasının 79-cu sessiyasında iştirakı çərçivəsində almaniyalı həmkarı Annalena Berbok ilə görüşüb.
-
VII çağırış Milli Məclisin payız sessiyasının ilk iclası sentyabrın 30-da keçiriləcək. Parlamentin mətbuat və ictimaiyyətlə əlaqələr şöbəsindən bildiriblər ki, iclasda Milli Məclisin yeni üzvlərinə Mərkəzi Seçki Komissiyası tərəfindən deputat vəsiqələri təqdim olunacaq. Bundan əlavə, daimi parlament komitələrinin tərkibi formalaşdırılacaq.
-
Birləşmiş Ştatlar cümə günü bildirib ki, Azərbaycan və Ermənistan Bakıda keçiriləcək BMT-nin iqlim konfransı COP29 ərəfəsində sülh razılaşmasına nail ola biləcəklərinə ümid edir.
-
Cümə günü Bakı Ağır Cinayətlər Məhkəməsində müxalif siyasətçi Tofiq Yaqublunun işi üzrə proses davam edib. Yaqublunun vəkilləri Demokratik Qüvvələrin Milli Şurasının üzvlərindən, müxalif fəallardan əlavə şahidlərin, o cümlədən siyasətçinin həyat yoldaşı Maya Yaqublunun məhkəməyə dəvət olunması haqqında vəsatət qaldırıblar.
Rəy yaz