Bakı/15.04.19/Turan: Bakıda Avropa İttifaqının "Şərq Tərəfdaşlığı" ölkələrində iqlim dəyişikliklərinə qarşı səmərəli mübarizəyə yönəlmiş "EU4Climate" regional layihəsi start götürüb.
Bu barədə Aİ-nin Azərbaycan nümayəndəliyinin məlumatında deyilir.
8,8 mln. avro dəyəri olan layihəni Aİ maliyyələşdirir.
Layihə Paris İqlim Sazişi, "Dayanıqlı inkişaf üçün 2030-cu il gündəliyi" əsasında "Şərq Tərəfdaşlığı"nın iştirakçısı olan ölkələrin (Azərbaycan, Ermənistan, Gürcüstan, Ukrayna, Moldova, Belarus) siyasətinin işlənib hazırlanmasını, habelə bu ölkələrin hökumətlərinə həmin siyasətin həyata keçirilməsində köməklik göstərilməsini nəzərdə tutur.
Layihə BMT-nin İnkişaf Proqramı tərəfindən həyata keçiriləcək.
"Yeni layihə Şərq Tərəfdaşlığı regionu ölkələrinin üzləşdikləri iqlimlə bağlı bir sıra problemləri əhatə edir. Belə ki, bu ölkələrin bir qismində su və enerji çatışmazlığı problemləri mövcuddur. Digərlərində isə ölkələr özünün daxili enerji istehlakı tələbatının 80 faizini təmin etmək üçün faydalı qazıntı növlərindən asılıdır, nəticədə isə bu ölkələrdə enerjidən həddən artıq və qeyri-səmərəli istifadə olunur. Bütün bunlar iqlim dəyişikliyini sürətləndirərək şəhər və kənd icmalarını iqlim dəyişikliyinə qarşı müdafiəsiz edir, eyni zamanda, iqlim dəyişikliyinə uyğunlaşma tədbirlərinin maliyyə xərclərini olduqca artıraraq ölkə hökumətlərinin üzərinə tədricən daha çox maliyyə yükü qoyur", deyə məlumatda bildirilir.
Aİ qeyd edib ki, Azərbaycanda layihənin həyata keçirilməsi üçün 830 min avro ayrılacaq.
Aİ-nin Azərbaycan nümayəndəliyiin müşaviri-elçisi və əməkdaşlıq şöbəsinin müdiri Simona Qatti bildirib ki, layihə iqlim dəyişikliklərinə qarşı yönəlmiş tədbirlər üzrə Azərbaycan hökuməti ilə strateji əməkdaşlıq nəzərdə tutur.
"Bu layihə Azərbaycanda Paris İqlim Sazişinin həyata keçirilməsini, habelə Avropa İttifaqı standartları və beynəlxalq standartlara uyğun olaraq iqlim siyasətini və qanunvericiliyin təkmilləşdirilməsini dəstəkləyəcəkdir", deyə o bildirib. -71D-
Siyasət
-
Son zamanlar Azərbaycan-Qərb münasibətləri tez-tez müzakirə olunur. Münasibətlərdə gərginlik hiss olunur, rəsmi şəxslər tərəfindən müxtəlif ittihamlar səslənir. Bəzi ekspertlər hesab edir ki, Azərbaycanın yeni vektorunda Qərbə yer yoxdur, əksinə ölkə siyasi müstəvidə Rusiyaya daha da yaxınlaşır. Hətta Ermənistanla-Azərbaycan arasında sülh müqaviləsinin da Rusiyaya görə imzalanmaması, rəsmi Bakının mövqeyi məhz Moskva ilə uzlaşdırması fikirləri səslənir.
-
Noyabrın 28-də Tbilisi Şəhər Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması barədə qərar qəbul edib. Sadıqov həbsinə etiraz olaraq 69 gündür aclıq edir.
-
Azərbaycan Xalq Cənhəsi Partiyasının lideri Əli Kərimli internet blokadasının gücləndiyini bildirib.
-
Noyabrın 27-də Xətai Rayon Məhkəməsində müdafiə tərəfin 1 saylı Bakı İstintaq təcridxanasında saxlanılan Toplum TV nəşrinin təsisçisi Ələsgər Məmmədlinin ev dustaqlığına buraxılması haqqında vəsatəti ilə bağlı onlayn iclas keçirilib.
Rəy yaz