Xalid Bağırov. Açiq mənbələrdən foto.
AİHM Xalid Bağırovun vəkillik səlahiyyətlərinə xitam verilməsini qanunsuz hesab edib
Баку/25.06.20/Turan: Bu gün Avropa İnsan Hüquqları Məhkəməsi (AİHM) azərbaycanlı hüquqşünas Xalid Bağırovun şikayəti üzrə qərarı açıqlayıb.
Şikayətlər 2011-ci ildə onun vəkillik səlahiyyətlərinə 1 il müddətinə xitam verilməsi və 2015-ci ildə X.Bağırovun Vəkillər Kollegiyasından çıxarılması ilə bağlıdır.
Vəkilin cəzalandırılmasına məhkəmə sistemində nöqsanları və polis zorakılığını tənqid etməsi səbəb olub.
Belə ki, 2011-ci ildə X.Bağırov polis zorakılığına dair konkret faktları açıqlayıb və bu, KİV-də yer alıb. Bundan sonra Bakı polisi Vəkillər Kollegiyasını X.Bağırovu cəzalandırmağa çağırıb və belə də olub.
İkinci dəfə X.Bağırovu siyasi məhbus İlqar Məmmədovun hüquqlarının pozulması ilə bağlı KİV-ə verdiyi bəyanata görə cəzalandırıblar. Şikayəti İ.Məmmədovun işinə baxan hakim verib. Vəkillər Kollegiyası şikayətlə razılaşıb və bildirib ki, X.Bağırovun fikirləri “dövlətə kölgə salır” və “məhkəmə sisteminin etibarını zədələyir”.
Hər iki ərizə üzrə kommunikasiya 2015 və 2016-cı illərdə olub. AİHM belə qənaətə gəlib ki, X.Bağırovun səlahiyyətlərinin bir il müddətinə dayandırılması, sonra isə onun Kollegiyadan çıxarılması “Avropa İnsan Hüquqları Konvensiyasına uyğun olmayıb”.
AİHM X.Bağırovun Avropa Konvensiyasının 10 (ifadə azadlığı ) və 8-ci (şəxsi həyata hörmət) maddələri üzrə hüquqlarının pozulduğunu tanıyıb.
AİHM X.Bağırova mənəvi zərərə görə 18 min avro məbləğində kompensasiya ödəilməsini qərara alıb.
Məhkəmənin qərarında həmçinin Nazirlər Komitəsinə X.Bağırovun hüquqlarının effektiv şəkildə bərpasını təmin etmək tövsiyəsi də var.
Ekspertlər qeyd edirlər ki, bu cür tövsiyə X.Bağırovun Vəkillər Kollegiyasının üzvü kimi bərpasını nəzərdə tutur. ––06D-
Siyasət
-
İkinci gündür ki, Azərbaycan Baş Prokurorluğu ölkəyə pul vəsaitinin qaytarılmamasında ittiham olunan kənd təsərrüfatı məhsulları ixracatçılarının ifşa olunduğunu bildirir.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Cümə axşamı Avropa Parlamenti qəbul etdiyi qətnamədə Azərbaycanda insan hüquqlarının kobud şəkildə pozulmasını pisləyib. Sənəddə fəallara, jurnalistlərə və müxalifət liderlərinə qarşı repressiyalardan danışılır. Deputatlar bildiriblər ki, bu sui-istifadə halları COP29-un Bakıda keçirilməsilə bir araya sığmır. Avropa Parlamentinin üzvləri Avropa İttifaqını Bakıdan qaz asılılığına son qoymağa çağırıblar.
Rəy yaz