![Açiq mənbələrdən foto.](https://turan.az/resized/750/500/resize/media/2021/main/031600029934.jpg)
Açiq mənbələrdən foto.
Aksiya iştirakçıları Boston şəhərinin merini ayrı-seçkilikdə qınayırlar
Bakı/16.03.21/Turan: 2021-ci il matın 14-də Yeni İngiltərə Amerika Azərbaycanlıları (New England Azerbaijani Americans) Boston şəhərinin meri Marti Uolşunun ofisi tərəfindən açıq-aşkar ayrı-seçkiliyə etiraz olaraq hökumət evi öündə aksiya keçiriblər.
Etiraza səbəb isə beynəlxalq səviyyədə tanınmış müharibə cinayətlərindən olan Xocalı faciəsini Anım Günü münasibətilə mer Uolş tərəfindən imzalanmış bəyannaməni erməni lobbi qruplarının təzyiqi səbəbindən geri çəkməsi və üzr istəməsi olmuşdur.
Aksiya iştirakçıları hesab edirlər ki, Mer Uolşun ofisinin Azərbaycan icması ilə vaxtında və mütəmadi əlaqə qurmaması birtərəfli və ayrı-seçkilik xarakterli qərarın verilməsi ilə nəticələnmişdir.
Aksiyada bildirilib ki, mer Uolşun xüsusi maraqları olan erməni lobbi qruplarını dəstəkləyən ədalətsiz və preferensial davranışı Azərbaycan icmasında böyük narazılıq yaratmışdır.
Çünki bununla mer təkcə insan hüquqları faciəsi bağlı həqiqəti inkar etməmiş, həm də bu qərarla açıq şəkildə ABŞ-da yaşayan yerli Azərbaycan icmasının səslərini kənarlaşdırmışdır.
Aksiya iştirakçıları Xocalı qətliamı haqqında Boston Globe, Washington Post, New York Times, Newsweek, The Independent, and The Guardian kimi nüfuzlu mətbu orqanlarında sənədləşdirilmiş və işıqlandırılmış məlumatları oxuyaraq mer Uolşun diqqətinə çatdırmışlar.
Həmçinin icma üzvləri sayından və maliyyə lobbiçilik gücündən asılı olmayaraq bərabər şəkildə icmanın hüquqlarının və maraqlarının təmsil olunmasını tələb etmişlər.-05D-
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz