Açiq mənbələrdən foto.
Bakı/17.04.21/Turan: Azərbaycanda Alban Apostol Müstəqil Kilsəsinin varisi olan Alban-udin xristian dini icmasının bir qrup üzvü işğaldan azad edilmiş Xocavənd rayonuna səfər edirlər. Onlar əsasən Tuğ kəndində qədim alban məbədini ziyarət edəcək və Pasxa bayramı münasibətilə burada dini mərasim keçirəcəklər.
Səfər Dini Qurumlarla İş Üzrə Dövlət Komitəsi yanında Mənəvi Dəyərlərin Təbliği Fondu tərəfindən təşkil olunub.
Alban-udin xristian dini icması 19-cu əsrin ilk üçdə birində ermənilərin Qarabağda kütləvi məskunlaşdırılmasından sonra 1836-cı ildə Rusiya imperiyasının Müqəddəs Sinodu tərəfindən ləğv edilmiş Alban Apostol Müstəqil Kilsəsinin varisidir.
Ərazilər işğaldan azad edildikdən sonra Alban-xristian icmasının üzvləri öz məbədlərində ibadət etmək imkanları əldə ediblər. –06D-
Siyasət
-
“Abzas Media”nın bir ildir əsassız ittihamlarla həbsdə saxlanılan jurnalistləri Nərgiz Absalamova, Sevinc Vaqifqızı, Elnarə Qasımovanın Bakı İstintaq Təcridxanasında zorakılığa məruz qalmaları barədə yeni detallar məlum olub.
-
Azərbaycan Respublikasının Prezidenti İlham Əliyev noyabrın 17-də ABŞ Nümayəndələr Palatasının üzvü Avqust Pflügerin başçılıq etdiyi nümayəndə heyəti ilə görüşüb. Görüşdə COP29-un gündəmində olan məsələlər müzakirə edilib.
-
Azərbaycan Prezidenti İlham Əliyev Ermənistanın hərbi-sənaye və silahlanma siyasətini tənqid edərək, bunu regional sülh və sabitlik üçün təhdid kimi xarakterizə edib. "Sülh sazişi imzalamaq üçün Ermənistan Konstitusiyasında Azərbaycana qarşı ərazi iddialarına son qoymaq vacibdir," deyə Əliyev noyabrın 17-də ABŞ Konqresinin Nümayəndələr Palatasının üzvü Avqust Pflügerin rəhbərlik etdiyi nümayəndə heyəti ilə görüşdə bildirib.
-
İsrail prezidenti İsaak Hersoqun Bakıda keçirilən COP29 iqlim konfransına planlaşdırılan səfəri Türkiyə prezidentin təyyarəsinin uçuşuna icazə vermədiyi üçün ləğv edilib, - deyə bazar günü, noyabrın 17-də Azərbaycan və İsraildəki mənbələr bildiriblər.
Rəy yaz