![The German Ambassador to Azerbaijan,Wolfgang Maning](https://turan.az/resized/750/500/resize/media/2021/main/033000030548.jpg)
The German Ambassador to Azerbaijan,Wolfgang Maning
Almaniya səfiri azad edilmiş ərazilərə səfərlərdə iştirak etməməsinin səbəbləri barədə
Bakı/30.03.21/Turan: Son günlər Azərbaycanın rəsmi kütləvi informasiya vasitələrində Almaniyanın Bakıdakı səfirinin ünvanına, həmçinin ümumilikdə Berlinin siyasətinə qarşı tənqid kampaniyası başlayıb. Belə ki, bəzi kütləvi informasiya vasitələri səfir Volfqanq Maniqin xarici diplomatların azad olunmuş ərazilərə səfərlərində iştirak etmədiyini bəyan etdikdən sonra tənqid dalğası başlayıb.
Turan agentliyi Almaniya səfirindən baş verənləri şərh etməyi və iki suala cavab verməyi xahiş edib:
1) Səfir diplomatların səfərlərində niyə iştirak etməyib?
2) Almaniyanın Ermənistan-Azərbaycan münaqişəsilə bağlı vəziyyətə dair hazırkı mövqeyi necədir?
Səfir birinci sualın cavabında deyib: "Səfirin və ya səfirliyin əməkdaşlarının hara və nə vaxt göndəriləcəyi barədə qərar bütün amillərin təhlilindən asılıdır. Burada müəyyənedici məsələ odur ki, bu, Almaniya Xarici İşlər Federal Nazirliyinin tələb etdiyi kimi, səfirliyin missiyasını gücləndirəcəkmi və səfər təhlükəsizlik və sağlamlıq baxımından risklidirmi?
İkinci sualın cavabında o belə deyib: “Sonda ay federal hökumətin Cənubi Qafqaz regionu ilə bağlı siyasəti Azərbaycanla Ermənistan arasında Dağlıq Qarabağda və onun ətrafında münaqişənin eskalasiyasının dayandırılmasına yönəlib.
Federal hökumətin fəaliyyətində məqsəd hərbi əməliyyatlara son qoymaq və azərbaycanlılarla ermənilər arasında barışığa başlamaqdır.
Federal xarici işlər naziri həm Azərbaycanda, həm də Ermənistanda öz həmkarları ilə danışıqlarda şəxsən iştirak etdiyini vurğulayıb.
Almaniyanın həm Bakıda, həm də Yerevandakı səfirlikləri bu istiqamətdə işləyirlər. Federal hökumət Azərbaycan və Ermənistanla bununla bağlı, o cümlədən ATƏT və Avropa İttifaqı çərçivəsində dialoqu davam etdirir. Biz hər iki tərəfi münaqişənin davamlı nizamlanması üçün ATƏT-in Minsk Qrupu həmsədrlərinin himayəsilə danışıqları bərpa etməyə çağırırıq”.-16B-
-
- Siyasət
- 30 Mart 2021 14:49
-
- İqtisadiyyat
- 30 Mart 2021 15:49
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz