Андраник Кочарян
Andranik Köçəryan: “Məğlubiyyəti qəbul etmək və Azərbaycanla diplomatik əlaqələr qurmaq lazımdır”
Bakı/08.12.20/Turan: Vicdanlı olmaq və Qarabağ müharibəsində məğlubiyyəti tamamilə və məsuliyyətlə qəbul etmək lazımdır. Bunu bu gün parlamentdə çıxış edən müdafiə və milli təhlükəsizlik komissiyasının sədri, hakim "Mənim addımım" fraksiyasının üzvü Andranik Köçəryan bildirib.
"Biz həm döyüş meydanında, həm mənəvi, həm də psixoloji cəhətdən məğlub olmuşuq. Bu vəziyyətdən mümkün qədər tez çıxmaq lazımdır. Nə qədər çətin olsa da qalib tərəflə dialoqa başlamaq lazımdır. Azərbaycanla diplomatik münasibətlərin qurulması gözlənilən perspektivləri dəyişə bilər", - Köçəryan deyib.
Onun sözlərinə görə, diplomatiya bütün iqtisadi, hərbi və mənəvi-psixoloji risklərin qiymətləndirilməsinə əsaslanmalıdır.
"Ermənistanın təhlükəsizliyi və müdafiəsi ilə bağlı problemlərin effektiv həlli iqtisadi inkişaf və islahatlar üçün əsas olacaq. İqtisadi siyasət orduda islahat və təhlükəsizliyin formalaşması ətrafında qurula bilər", - “Aysor” saytı Köçəryandan sitat gətirib.-02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz