![AŞ Nazirlər Komitəsi Azərbaycanın AİHM-nin qərarlarını yerinə yetirməsini müzakirə edəcək](https://turan.az/resized/media/2014/main/030400071457-750-500-resize.webp)
AŞ Nazirlər Komitəsi Azərbaycanın AİHM-nin qərarlarını yerinə yetirməsini müzakirə edəcək
Martın 4-6-da Strasburqda Avropa Şurası Nazirlər Komitəsinin iclasında müzakirə olunan məsələlər sırasında Avropa İnsan Hüquqları Məhkəməsinin qərarlarının icrası da var. Əsasən bunlar “Mahmudov və Ağazadə Azərbaycana qarşı” və “Fətullayev Azərbaycana qarşı” işləridir.
Bu barədə Reportyorların Azadlıq və Təhlükəsizlik İnstitutunun (RATİ) Turan-a daxil olan məlumatında deyilir.
Sözügedən işlər Azərbaycanda jurnalistlər Rövşən Mahmudov, Yaşar Ağazadə (prezidentin əmisi Cəlal Əliyevin iddiası üzrə həbs olunublar) və Eynulla Fətullayevin (jurnalist Tatyana Çaladzenin Xocalı sakinlərinin adından iddiası üzrə həbs olunub) diffamasiya iddiaları üzrə mühakiməsinə aiddir. AİHM onların ifadə azadlığının pozulmasını tanıyıb (hər üç jurnalist prezidentin əfv haqqında sərəncamı ilə vaxtından əvvəl azadlığa buraxılıb).
Qərarların icrası prosesinin bir hissəsi olaraq Azərbaycan hökuməti lazımi islahatları həyata keçirməyi və media azadlığının daha yaxşı qorunması üçün diffamasiya ilə bağlı yeni qanun qəbul etməyi öhdəsinə götürüb.
Bu ilin yanvarında Strasburqdakı görüşdən əvvəl Azərbaycan hökuməti bununla bağlı nələrin həyata keçirildiyi və nələrin həyata keçiriləcəyi barədə öz fəaliyyət planını təqdim edib. İngilis dilində olan tam mətni buradan əldə edə bilərsiniz:
https://wcd.coe.int/com.instranet.InstraServlet?command=com.instranet.CmdBlobGet&InstranetImage=2419510&SecMode=1&DocId=2093214&Usage=2
Öz növbəsində Azərbaycanın bir sıra hüquq- müdafiə təşkilatları, o cümlədən Reportyorlarıın Azadlıq və Təhlükəsizlik İnstitutu, Media Hüquqları İnstitutu və Hüquq Maarifçiliyi Cəmiyyəti koalisiya şəklində, Beynəlxalq Mediaya Dəstək Təşkilatı ilə əməkdaşlıq şəraitində, Azərbaycan hökuməti tərəfindən görülmüş tədbirlərlə bağlı öz şərhlərini təqdim ediblər.
Vətəndaş cəmiyyəti, digər məsələlərlə yanaşı, hökumət tərəfindən diffamasiyanın dekriminallaşdırılması məqsədi ilə heç bir qanunvericilik islahatlarının həyata keçirilməməsindən və saxta xuliqanlıq, narkotik, silah daşıma və digər ittihamlarla azadlıqdan məhrum edilən jurnalist və bloggerlərin sayının artmasından narahatlığını ifadə edib.
Azərbaycan dilində tam mətni buradan əldə edə bilərsiniz: bit.ly/1kUl8Rr -06D--
-
- Foto sessiyalar
- 4 Mart 2014 19:47
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz