![Açiq mənbələrdən foto.](https://turan.az/resized/media/2022/main/121700055579-750-500-resize.webp)
Açiq mənbələrdən foto.
AŞPA məruzəçiləri Laçın dəhlizindəki vəziyyətə reaksiya veriblər
Strasburq/17.12.22/Turan: "Biz Laçın dəhlizində hərəkət azadlığının pozulmasından dərin narahatlıq hissi keçiririk, bu, əhali üçün böyük çətinliklər yaradır", bu barədə Avropa Şurası Parlament Assambleyasının (AŞPA) Azərbaycan və Ermənistanın monitorinqi üzrə dörd həmmuruzəçisi bildirib.
"Dəhlizdə insanların və malların azad və təhlükəsiz hərəkəti təcili şəkildə bərpa edilməlidir. Biz 9-10 noyabr 2020-ci il tarixli Üçtərəfli Bəyanatın bütün tərəflərini dərhal zəruri tədbirləri görməyə çağırırıq", deyə Azərbaycan üzrə həmməruzəçilər Yan Liddell-Qreyncer (Böyük Britaniya), Liz Kristoffersen (Norveç) və Ermənistan üzrə həmməruzəçilər Kimmo Kilyunen (Finlandiya) və Boriana Oberq (İsveç) bildiriblər.
Çərşənbə günü AŞPA-nın Monitorinq Komitəsi Cari vəziyyət və Ermənistan və Azərbaycan arasında möhkəm sülhə nail olmaq üzrə diplomatik səyləri Aİ-nin Cənubi Qafqazda xüsusi nümayəndəsi Toyvo Klaar və ATƏT-in Minsk Qrupunun fransalı həmsədri Bris Rokfyoe ilə müzakirə edib.
"Biz bütün zəruri siyasi dəstəyi göstərməyə, o cümlədən regionda faktların müəyyən edilməsi üzrə missiya həyata keçirilməsi yolu ilə dəstək verməyə hazır olduğumuzu təsdiq edirik", deyə onlar bildiriblər.
Dekabrın 12-də, Azərbaycanlı ekoloji fəalların Azərbaycanın səlahiyyətli qurumlarının nümayəndələrinin Qarabağ separatçıları tərəfindən qanunsuz istismar olunan yataqlara buraxılmasını təmin etmək tələbi ilə Şuşa şəhəri yaxınlığında, Rusiya sülhməramlı kontingentinin postu qarşısında etiraz aksiyasına başlamasından sonra Laçın dəhlizində hərəkət məhdudlaşdırılıb.
Bakı yolun Azərbaycan tərəfindən bağlanıldığı haqqında ittihamları qəbul etmir.
Azərbaycan nümayəndələri mülki nəqliyyatın hərəkətinə mane olmadıqlarını, yolu isə hər iki tərəfdən sülhməramlıların bağladığını bildirirlər. 06В
-
- Cəmiyyət
- 17 Dekabr 2022 11:19
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz