ATƏT Bakı və Yerevanla jurnalistlərin qarşılıqlı səfərləri haqqında dialoq aparır – Lavrov

Moskva/31.10.19/Turan: Yerevan və Bakının münaqişənin nizamlanması çərçivəsində jurnalistlərin Dağlıq Qarabağa qarşılıqlı səfərləri haqqında danışıqları ATƏT katibliyinin vasitəçiliyi ilə aparılır, dialoqun müsbət nəticələnəcəyi ümidi qalmaqdadır. Bu barədə cümə axşamı Rusiyanın xarici işlər naziri Sergey Lavrov ATƏT-in baş katibi Tomas Qremingerlə danışıqlardan sonra bildirib.

RF XİN başçısı xatırladıb ki, apreldə Ermənistan, Azərbaycan və Rusiya XİN başçılarının ATƏT-in Minsk Qrupunun həmsədrləri ilə birlikdə keçirdikləri görüşdə bir sıra humanitar tədbirlərin “perspektivləri” müzakirə olunub. “O cümlədən, gərginliyi bir qədər azaltmaq və etimadı artırmaq üçün üçün saxlanılan şəxslərin mübadiləsi, həlak olanların cəsədlərinin mübadiləsi və jurnalistlərin qarşılıqlı səfərləri, - deyə o bildirib. – Jurnalistlərlə bağlı, bildiyim qədər..., ATƏT-in katibliyi vasitəsilə dialoq gedir, ümid var”.

“Saxlanılan şəxslərin mübadiləsi ilə bağlı vəziyyətdə nikbinlik daha azdır, amma biz yenə də bu istiqamətdə irəliləmək lazım olduğuna əsaslanırıq”, deyə nazir əlavə edib. -16D-