Açiq mənbələrdən foto.
Bakı/14.09.22/Turan: Çexiya Azərbaycan-Ermənistan sərhədində baş verən və təəssüf ki, insan tələfatı ilə nəticələnən yeni döyüşlərdən narahatdır. Heç bir hərbi toqquşma Cənubi Qafqaza davamlı sülh gətirə bilməz. Bu barədə Çexiya Xarici İşlər Nazirliyi öz "Twitter" səhifəsində yazıb.
Çexiya danışıqların davam etdirilməsinin vacib olduğunu bildirib.
Öz növbəsində, Almaniya Xarici İşlər Nazirliyinin (XİN) Şərqi Avropa Mərkəzi Asiya və Qafqaz departamentinin direktoru Mathias Lütenberq "Ermənistan-Azərbaycan sərhədində hərbi əməliyyatlar barədə məlumatlardan dərin narahatlıq duyduqlarını" bildirib.
"Biz Aİ Şurasının Prezidenti Şarl Mişelin gərginliyin azaldılması ilə bağlı təklifini dəstəkləyirik", deyə o əlavə edib.
Bundan əlavə, ATƏT-in fəaliyyətdə olan sədri, Polşanın xarici işlər naziri Zbiqnev Rau və ATƏT Baş katibi Mariya Helqa Şmid Ermənistan-Azərbaycan sərhədi boyunca baş vermiş silahlı qarşıdurmalarla əlaqədar tərəfləri təcili atəşkəsə çağırıb.
"Ermənistan-Azərbaycan sərhədində hərbi əməliyyatların eskalasiyası dərhal dayandırılmalıdır. Diplomatik yolla indiyə qədər əldə edilmiş tərəqqi boşa getməməlidir", deyə Rau bildirib.
O vurğulayıb ki, son 18 ay ərzində Ermənistan və Azərbaycan arasında sülh müqaviləsi istiqamətində işi davam etdirmək barədə razılıq da daxil olmaqla, müxtəlif irəliləyişlər olub. Lakin bu toqquşmalar əldə edilən tərəqqiyə təhlükə yaradır və saysız-hesabsız insan həyatını təhlükə altına qoyur.
Mariya Helq Şmid isə qeyd edib ki, ATƏT onilliklərin təcrübəsinə əsaslanaraq tərəflərə sülhün bərqərar olunması istiqamətində kömək etməyə hazırdır.
"Biz hamımız regionda davamlı sülh və firavanlığa nail olmaq kimi birgə məqsədi bölüşürük", deyə Şmid bildirib. 16D
Siyasət
-
Dekabrın sonlarında Naxçıvan Ağır Cinayətlər Məhkəməsində Naxçıvan Muxtar Respublikasının (NMR) keçmiş maliyyə naziri Rafael Əliyevə və Naxçıvan Gömrük Komitəsinin keçmiş şöbə rəisi Mənsur Əsgərova qarşı cinayət işi üzrə proses başa çatıb. Hər iki şəxs başqa şəxslərlə əlbir olaraq dövlət büdcəsinin vəsaitlərini mənimsəməkdə ittiham olunurdular.
-
"Respublikaçı Alternativ" Partiyası (REAL) 29 yanvar bələdiyyə seçkiləri ərəfəsində iqtisadi fəaliyyət imkanlarını genişləndirmək məqsədilə yerli hakimiyyət orqanlarında islahatlar proqramı təklif edib.
-
Yanvarın 7-də dövlət başçısı 1 yanvar tarixindən etibarən aşağıda sadalanan bir sıra büdcə təşkilatlarının işçilərinin əmək haqqının 15% artırılması haqqında fərman imzalayıb:
-
Daxili İşlər Nazirliyi tərəfindən "Müdafiə Xətti" hüquq-müdafiə təşkilatının həbsdə olan icraçı direktoru Rüfət Səfərovun anası Tahirə Tahirqızının ölkədən çıxışına qoyulan qadağa ləğv edilib. Bu gün o, ağır xəstə olan həyat yoldaşı Eldar Sabiroğlu ilə birlikdə Türkiyəyə yola düşüb.
Rəy yaz