Edi Rama.
ATƏT-in fəaliyyətdə olan sədri Ermənistan-Azərbaycan sərhəddində atəşkəs rejiminə qayıtmağa çağırır
Vyana/15.07.20/Turan: “Ermənistan - Azərbaycan sərhəddində müşahidə etdiyimiz zorakılığın artmasından dərindən narahatam və irəlidə adamların həlak olacağını görməzdən öncə dərhal atəşkəsə qayıtmağa çağırıram”,- ATƏT-in fəaliyyətdə olan sədri, Albaniyanın baş naziri Edi Rama deyib.
ATƏT-in Minsk Qrupunun həmsədrləri və fəaliyyətdə olan sədrin şəxsi nümayəndəsi səfir Andjey Kasprşik tərəflərlə sıx əlaqə saxlayır və sabitliyi qaytarmağa etməyə çalışır.
2019-cu ilin martında Minsk Qrupu həmsədrlərinin himayəsi altında Vyanada keçirilən görüşdə Ermənistan və Azərbaycan liderləri tərəfindən birbaşa rabitə kanalları yaradılıb. Rama ümidvar olduğunu bildirib ki, belə mexanizmlərdən bu cür vəziyyətdə istifadə oluna bilər.
Rama hər iki tərəfdən həlak olanların ailələrinə və dostlarına başsağlığı verib. “Biz hamımız münaqişənin insanlara təsirini azaltmaq və mahiyyəti üzrə danışıqları mümkün qədər tez bərpa etmək üçün əlimizdən gələni etməliyik”, - Rama deyib və Minsk prosesinə öz dəstəyini ifadə edib. -02D-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz