![Фото из открытых источников](https://turan.az/resized/media/2019/main/010900015980-750-500-resize.webp)
Фото из открытых источников
ATƏT-in KİV üzrə nümayəndəsi Mehman Hüseynovun azadlığa buraxılmasına çağırıb
Vyana/09.01.19/Turan: ATƏT-in KİV azadlığı məsələləri üzrə nümayəndəsi Arlem Dezir bu gün Azərbaycanın xarici işlər naziri Elmar Məmmədyarova məktubunda həbsdə olan bloger, Reportyorların Azadlıq və Təhlükəsizlik İnstitutunun sədri Mehman Hüseynovun səhhətilə bağlı ciddi narahatlığını
bildirib və hakimiyyəti ona qarşı irəli sürülmüş yeni cinayət ittihamını götürməyə çağırıb.
Dezir öz məktubunda yazıb: "Son insidentin Mehman Hüseynovun 2019-cu ilin martında həbsdən çıxmağına az qaldığı bir vaxtda baş verməsi dərin narahatlıq doğurur. Yeni ittihamla ona əlavə olaraq 7 ilədək həbs cəzası verilə bilər".
"Mən hakimiyyəti Mehman Hüseynova qarşı yeni ittihamları götürməyə və onu mümkün qədər tez azad etməyə çağırrıram", - Dezir vurğulayıb.
Məlumatlara görə, 2018-ci il dekabrın 26-da M.Hüseynov həbsxana nəzarətçisi ilə insidentə cəlb edilib. Hakimiyyət bu işi araşdırıb və blogeri Bakı İstintaq Təcridxanasına köçürüblər. Hüseynov insidentlə əlaqədar ona qarşı irəli sürülmüş ittihamı rədd edir və etiraz olaraq alcığa başlayıb. Bu da onun səhhətinin ciddi pisləşməsinə səbəb olub.
Dezir həmçinin hakimiyyətdən xahiş edib ki, M.Hüseynovun səhhətilə bağlı problemlər öyrənilsin və ona təcili peşəkar tibbi yardım göstərilsin.
ATƏT-in KİV azadlığı məsələləri üzrə nümayəndəsi ATƏT üzvü olan 57 ölkədə hadisələrin inkişafını işləyir. O, ifadə və KİV azadlığının pozulması ilə bağlı ilkin xəbərdarlığı təmin edir və bu sahədə öhdəliklərə əməl olunmasına yardım edir.-02D-
-
- Siyasət
- 9 Yanvar 2019 18:06
-
- Söz istəyirəm
- 9 Yanvar 2019 22:50
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz